13:21  21  1548  AUGUST.  22  divertisse,  cogitare  destiti.  Etsi  autem  homines  eiusmodi  nonnulli,  nulla  certe  (quod  sciam)  a  nobis  unquam  iniuria  affecti,  occasione  undecunque  arrepta  talibus  de  me  sermonibus  delectari  videantur,  quemadmodum  ex  literis  cuiusdam  Lausannensis  apertissime  comperi,  eos  tamen  ut  homines  aut  ut  Christianos  amabimus,  atque  etiam,  si  quid  aut  tibi  aut  Biveto  persuaserint  animi  se  erga  nos  gerere  benevoli,  pro  instituto  nostro  gratias  habebimus.  Scio  autem  equidem,  mi  pater,  et  magno  cum  moerorp  saepe  mecum  ipse  cogito,  quotidie  multos  ex  iis  qui  spem  initio  maximam  suae  pietatis  excitarant,  sive  illos  tyrannorum  saevitia  deterreat,  sive  ipsae  quidem  voluptates  blandissimae  dominae  ad  somnia  (ut  sunt)  regnorum  atque  imperiorum  eos  avocent,  ab  eo  cursu  virtutis,  quem  summa  cum  omnium  laude  tenere  coeperant,  turpissime  foedissimeque  declinare.  Quin  etiam  saepe  cum  quibusdam  hominum  portentis  mihi  res  est,  quos  equidem  paene  Mahometanos  esse  cogor  ex  eorum  sermone  coniicere.  Quod  enim  nunquam  fieri  posse  existimabam  ut  in  mentem  hominis  veniret,  non  minus  impudenter  quam  insipienter  affirmant,  illorum  religionem,  quoniam  unum  Deum  adorant,  et  puram  et  probandam  esse.  Scio  igitur  haec  ita  ut  dixi  vera  esse,  et  saepenumero  magno  cum  dolore  cogito.  Verum  si  quis  nulla  prorsus  alia  ratione,  sola  garriendi  libidine  incitatus,  de  omnibus,  qui  aut  non  aeque  ut  isti  barbati  sunt  aut  non  tam  amplo  et  copioso  patrimonio  fruuntur,  ut  illis  facultas  istic  vivendi  suppetat,  idem  statuere  audeat,  quasi  in  ista  aetate  nostra  lubrica  sine  prolapsione  aliqua  consistere  alibi  minime  possimus,  eum  ego  et  stultum  ut  semper,  et  amentem  ut  saepe,  rationibus  convincam  necessariis.  Quamobrem  enim  tandem  homines  isti  integerrimi  religiosissimique  in  Angliam  cogitant?  An  quod  illic  licet  piis  pie  vivere?  Atqui  si  nobis  idem  non  licere  affirment,  foetidissime  impudentissimeque  mentiuntur.  Non  respondeo  ut  Balduinus*)  frigide,  sed  fretus  conscientia  audacter  et  libere  id  quod  res  est  pronuncio.  Itaque  mihi,  mi  pater,  ignosces.  Habet  enim,  ut  ille  dixit,  quendam  aculeum  contumelia  quem  pati  prudentes  ac  viri  boni  difficillime  possunt.  Quidquamne  mihi  acerbius  accidere  posse  censes,  quam  quum  istorum  importunissima  garrulitate  laedi  meam  apud  te  existimationem  intelligo?  Testor  enim  Deum  Opt.  Max.  me  nunquam  ne  parentem  quidem  ipsum  tanto  amore  ac  potius  pietate  prosequutum,  quanto  te  complecti,  ex  quo  pie  sentire  didici,  institui.  Testor  item  illum  ipsum,  nihil  animo  meo  in  hac  vita  gra-  4)  Ea  hoc  loco  fortasns  argumentum  sumere  licebit  Balduinum  eo  tempore  Lugduni  fuisse,  cuius  epistolae  sine  die  et  consule  pro  more  venientes  maxima  interpreti  negotia  facessunt.