11:21  1540  FEBRUAR.  solutam  disciplina,  mire  turbatam  et  dissipatam,  quae  prius  paene  interit  quam  nata  sit.  Tu  igitur,  obsecro,  aliquo  consilio  et  admonitione  hac  nos  leves  molestia,  et  hanc  sedes  perturbationem.  Minime  enim  dubium  est  quin  vos  quoque  huiusmodi  exerceant  et  exagitent  cogitationes*  quo  -fit  ut  sperem  me  vestris  consiliis  et  monitis  non  parum  adiumenti  percepturum.  Saluta  quaeso  meo  nomine  collegas  et  symmystas  tuos,  fratres  in  Domino  nobis  omnibus  observandissimos.  Salutant  te  collegae  mei  et  fratres  qui  apud  nos  sunt.  Vale  optime  et  meam  loquacitatem  boni  consule.  Lausannae  20.  Februarii  1540.  Tuus  Petrus  Viretus.  LIBERTETUS  CALVINO.  Praemissis  paucis  de  Carolo  et  disciplina  ecclesiastica,  rationes  reddit  de  negotio  venditionis  librorum  Olivetani,  nunc  tandem  ad  finem  perductae.  (Ex  antographo  bibi.  Gener.  Cod.  109,  fol.  2.)  Suo  Ioanni  Calvino  fratri  et  amico  integerrimo.  Argentinae.  S.  De  negotio  Caroli  nihil  nunc  scribo  quod  omnia  superiore  hebdomade  viderim  apud  Comitem  et  Viretum,  et  quae  scripsistis  et  quae  ipsi  ac  Zebedaeus  respondent.  Unum  tantum  dixerim,  mutuas  hasce  demonstrationes  ad  serio  quaerendam  ecclesiasticam  disciplinam  plurimum  conducere,  citra  quam  nescio  qua  possimus  conscientia  diutius  hic  ministrare,  quum  hac  in  parte  sic  ab  huiusmodi  miseris  hominibus  misere  prostituamur  quotidie,  dum  simplicitati  nostrae  fucum  facere  noverint  egregie.  Quo  fit  ut  bonum  nostrum  maledicentiae  sit  obnoxium.  De  negotio  tuo  ac  fratris  mihi  commisso  breviter  accipe.  Habetis  rationem  divisionis,  appretiationis  librorum  qui  in  sortem  vestram  inciderunt.  Ex  quibus  nonnullos  mihi  indicto  servavi  pretio  usque  ad  summam  42  fl.  5  s.  Alios  partim  vendidi,  partim  bibliopolae  Lausannensi  venales  tradidi.  Quod  bonam  partem  mihi  retinuerim  hac  ratione  factum  existimetis,  ne  fratris  annotationes  mihi  quidem  perutiles  aliis  in  vanum  committerentur,  ne  dicam  calumniatoribus,  qui  aranearum  natura  praediti  flores  in  venenum  et  retia  convertunt.  Sed  multos  libellos  profanos  parumque  pudicos  hac  ratione  dicto  retinui  pretio  ex  quibus,  ut  didici  ab