9:209  209  AD  WESTPHALUM.  210  hoc  animae  est  fides:  quod  cibus  corpori,  hoc  verbum  spiritui  excellentiori  virtute  peragens  aeternaliter,  quod  agunt  corporea  alimenta  temporaliter.  Quum  ex  professo  definiat  edendi  modum,  ubi  ingurgitatio?  imo  eius  loco  substituit  fidem  et  spiritum:  quod  Magdeburgenses  summopere  detestantur.  Kefert  Theodoritus  Ambrosii  verba  ad  Theodosium:  Quibus  oculis  aspicies  communis  [pag.  200]  Domini  templum?  quibus  calcabis  pedibus  sanctum  eius  pavimentum?  quomodo  manus  extendes,  de  quibus  adhuc  stillat  sanguis  innoxius?  quomodo  eiusmodi  manibus  suscipies  sanctum  Domini  corpus,  et  ore  tuo  poculum  sanguinis  pretiosi  bibes?  Quid  mirum  si  sanctus  vir,  quo  acrius  pungeret  obiurgatio,  quanto  potuit  splendore  et  ornatu  sacrum  illud  mysterium  extulit?  Caeterum  si  quis  rogasset  Ambrosium,  an  palpabile  in  coena  esset  Christi  corpus,  tam  crassum  delirium  haud  dubie  abominatus  foret.  Quum  ergo  manibus  tractari  dicit,  nemini  sano  et  cordato  obscura  est  metonymia.  Communicatio,  cuius  meminit  Augustinus,  ne  minimum  quidem  nos  gravat,  quibus  coena  est  vera  et  spiritualis  carnis  et  sanguinis  Christi  communicatio.  In  secundo  loco  ubi  tradit  Christum,  quum  coenam  porrigeret  discipulis,  quodammodo  portatum  fuisse  suis  manibus,  deprehenditur  eorum  impudentia  et  falsitas:  [pag.  201]  quia  vocem  Quodammodo,  quae  nodum  probe  expedit,  scelerate  omittunt.  Quod  autem  alibi  docet  Augustinus,  hoc  in  pane  accipi  quod  pependit  in  cruce,  et  quod  in  cruce  effusum  est  in  calice  bibi,  non  gravatim  amplector:  modo  aliis  Augustini  verbis  definiatur  edendi  et  bibendi  ratio.  Desinant  ergo  Magdeburgenses  simplicibus  posthac  fumos  suos  vendere,  qui  toties  iam  discussi,  locum  nullum  in  clara  luce  retinent.  Nam  quod  Westphalum  praedem  aut  vadem  suo  loco  substituunt,  sic  detecta  nuper  a  me  fuit  eius  nuditas,  ut  frustra  inde  exspectent  quidquam  subsidii.  Decimum  quartum  argumentum  est:  Quum  admittant  adversarii  tropum  in  Christi  verbis,  nobis  idem  esse  permittendum.  Negant  se  figuram  recipere  in  his  verbis  :  Hoc  est  corpus  meum,  quia  propriissime  accipi  debent.  Quid?  dum  volunt  propriissime  sensum  suum  exprimere,  an  non  dicunt  aub  pane,  vel  cum  pane  dari  Christi  corpus?  Respondent,  quum  [pag.  202]  dicitur  homo  esse  sub  veste  sua,  non  esse  figuram.  Quasi  vero  elapsi  sint  hoc  cavillo,  donec  ostenderint  hominem  propriissime  et  absque  figura  vestem  suam  esse.  Unde  colligunt  sub  pane  esse  Christi  corpus,  vel  cum  pane:  nisi  quia  de  pane  Dominus  ipse  pronunciavit:  Hoc  est  corpus  meum?  Atqui  si  tam  exacta  huic  verbo  subest  proprietas,  non  modo  perperam  ex  eo  plus  eliciunt,  quam  decebat,  sed  falsarii  sunt  ac  corruptores,  qui  tam  longinquam  metamorphosin  ingerunt.  Corpus  enim  cum  pane,  res  est  coelestis  cum  terrena:  panem  vero  esse  corpus,  aliud  Calvini  opera.  Vol.  IX.