7:209  209  DES  LIBERTINS.  210  garer  hors  de  propos.  Sainct  Paul  traicte  la  d'une  chose  qui  n'est  ne  bonne  ne  maulvaise  par  soy,  mais  seulement  pour  la  consequence.  Apres  avoir  remonstre  comment  il  s'estoit  abstenu  de  ce  qui  luy  estoit  licite  et  permis  de  Dieu  pour  eviter  tout  scandale:  apres  avoir  d'aultrepart  monstre  comment  l'acte,  dontil  estoit  question,  emportoit  grand  scandale:  pour  faire  sa  conclusion,  ii  dict  qu'il  ne  faut  pas  regarder  a  ce  qui  nous  est  licite,  mais  a.  ce  qui  est  expedient,  voire  pour  l'edification  de  noz  freres.  Ces  bestes  saulvaiges  veulent  inferer  par  cela,  que  tout,  sans  exception,  nous  est  licite.  Mais  il  ne  se  faut  esbahir  de  ceste  impudence,  veu  qu'ilz  n'ont  point  de  honte  d'alleguer  a,  [page  147]  ce  mesme  propos,  ce  qu'il  avoit  dict  au  paravant:  N'avons  nous  pas  puissance,  moy  et  Barnabas,  de  mener  noz  femmes  (1  Cor.  9,  5)?  Ilz  sont,  dis-ie,  si  effrontez  de  faire  un  bouclier  de  ceste  sentence,  pour  oster  toute  difference  de  bien  et  de  mal.  Mais  de  quoy  parle  sainct  Paul?  Ce  n'est  pas  de  chose  qui  soit  defendue  de  Dieu.  C'est  du  mariage  que  Dieu  permet  et  approuve  en  tous  estatz.  Sainct  Paul  se  glorifie  de  n'en  avoir  point  use,  ou  pour  le  moins  de  n'avoir  point  mene  sa  femme  avec  soy  aux  voyages  qu'il  faisoit,  de  peur  que  cela  ne  luy  fust  un  empeschement.  S'il  l'eust  faict,  il  n'eust  rien  entreprins  de  maulvais.  Mais  il  s'en  desportoit  voluntairement,  pour  supporter  l'infirmite  d'aulcuns.  N'est-ce  pas  bien  maintenant  saulte  du  cocq  a  l'asne,l)  d'attirer  ceste  sentence  pour  prouver  que  tout  est  bon  a  un  homme  Chrestien,  et  que  rien  ne  luy  est  defendu?  Ces  exemples  suffiront  pour  advertir  les  lecteurs,  comment  ces  canailles  deschirent  impudemment  l'escriture,  pour  la  [page  148]  faire  servir  a  donner  couleur  a  leur  liberte  diabolicque,  laquelle  ils  taschent  de  mettre  en  avant.  Ilz  couvrent  aussi  soubz  le  manteau  de  ceste  liberte,  la  simulation  de  consentir  a  toute  impiete  et  idolatrie.  C'est  qu'ilz  permettent  a  un  homme  de  s'agenouiller  devant  un  idole,  porter  chandelles,  faire  pelerinaiges,  chanter  messes,  et  faire  semblant  de  s'accorder  a  toutes  les  abominations  des  papistes,  iasoit  qu'il  s'en  mocque  en  son  cueur.  Si  on  leur  replique  que  nous  devons  glorifier  Dieu  en  noz  corps  (i  Cor.  6,  20),  que  nous  devons  confesser  Iesus  Christ  devant  les  hommes,  que  nous  devons  protester  de  nostre  foy  devant  le  monde  (Matth.  10,  32)  :  au  lieu  de  respondre,  ilz  ne  font  que  mettre  en  avant  ce  bouclier  de  liberte.  Or  pource  que  i'ay  amplement  escrit  de  ceste  matiere  en  un  autre  traicte,2)  i'ayme  mieux  la  renvoyer  les  lecteurs,  1)  nonne  mare  uno  passu  transsilire  est.  2)  1547  suiv.  ajoutent:  expres.  L'auteur  fait  ici  ailusion  a  son  opuscule  intitule:  Petit  traicte  monstrant  que  doit  faire  un  homme  fidele  quand  il  est  entre  les  Papistes,  ainsi  qu'a  *ⓒ≫  Excuse  aux  Nicodemites.  Gaimni  opera.  Voi.  VIL