6:209  DE  LA  VISITATION  DES  MALADES.  V  office  d'un  vray  et  fidele  Ministre  est,  non  seulement  d'enseigner  publiquement  le  peuple,  auquel  U  est  ordonne  pour  Pasteur,  mais  en  tant  que  faire  se  peult,  d'admonester,  exhorter,  reprendre  et  consoler  un  chascun  en  particulier.  Or,  le  plusgrand  besoing,  qu'a  iamais  affaire1)  l'homme  de  la  doctrine  spirituelle  de  nostre  Seigneur,  est  quand  il  est  visite  de  nostre  Seigneur  en  afflictions,  soit  de  maladies,  ou  aultres  maulx,  principallement  a  l'heure  de  la  mort:  car  lors  il  se  sent  plusfort,  qu'en  toute  sa  vie,  presse  en  la  conscience,  tant  du  Iugement  de  Dieu,  auquel  U  se  voit  presentement  estre  appelle,  que  des  assaulx  du  Diable,  lequel  faict  adonc  tous  ses  effors  pour  abbatre  la  paovre  personne,  et  la  deietter2)  en  confusion.  Et  pourtant  le  devoir  des  Ministres3)  est  de  visiter  les  malades,  et  les  consoler  par  la  parolle  du  Seigneur:  leur  remonstrant,  que  tout  ce  quHlz  souffrent  et  endurent,  vient  de  la  main  de  Dieu,  et  de  sa  bonne  providence,  lequel  n'envoye  rien  a  ses  fideles,  sinon  pour  leur  bien  et  salut  Et  prendra  les  tesmoignages  de  VEscripture  a  ce  convenables.  D'avantage,  s'il  les  voit  en  maladie  dangereuse,  de  leur  donner  consolation,  qui  passe  encores  oultre,  et  ce  selon  qu'il  les  verra  touchez  en  leur  affection:  c'est  assavoir,  s'il  les  congnoist  estre