55:209  209  CAPUT  I.  210  novitatem  :  per  adspersionem  vero  sanguinis  Christi,  remissionem  peccatorum  designare.  Quod  si  istae  sunt  partes  vel  effectus  sanctificationis,  aliter  hic  sanctificatio  capitur  quam  saepe  apud  Paulum,  hoc  est  magis  generaliter.  Sanctificat  ergo  nos  Deus,  efficaciter  nos  vocando.  Id  autem  fit  dum  renovamur  in  obedientiam  iustitiae  eius,  et  Christi  sanguine  adspersi  mundamur  a  peccatis.  Ac  videtur  tacita  esse  allusio  ad  veterem  adspersionis  ritum,  quo  sub  lege  utebantur.  Quemadmodum  enim  non  satis  tunc  fuisset  mactari  hostiam  et  fundi  sanguinem,  niei  adspersus  fuisset  populus  :  ita  nihil  hodie  nobis  prodesset  fusum  Christi  sanguinem  fuisse,  nisi  ipso  conscientiae  nostrae  abluerentur.  Subaudienda  igitur  est  antithesis,  quod  sicut  olim  sub  lege  manu  sacerdotis  fiebat  sanguinis  adspersio:  ita  nunc  spiritus  sanctus  animas  nostras  Christi  sanguine  in  expiationem  adspergit.  Nunc  colligenda  est  summa,  salutem  nostram  manare  ex  gratuita  electione  Dei:  sed  eam  simul  considerandam  esse  fidei  experientia,  in  eo  quod  spiritu  suo  nos  sanctificat.  Postremo  duos  esse  vocationis  nostrae  effectus  aut  fines:  nempe  ut  reformemur  in  obedientiam  Dei,  et  Christi  sanguine  abluamur:  praeterea  utrunque  esse  opus  spiritus  sancti.  Unde  colligimus  nec  electionem  a  vocatione,  nec  gratuitam  fidei  iustitiam  a  vitae  novitate  separandam  esse.  3.  Benedictus  Deus  et  pater  Domini  nostri  Iesu  Christi,  qui  secundum  multam  suam  misericordiam  regenuit  nos  in  spem  vivam,  per  resurrectionem  Iesu  Christi  ex  mortuis,  4.  in  haereditatem  incorruptibilem  et  incontaminatam  et  immarcescibilem,  repositam  in  coelis  erga  vos,  5.  qui  virtute  Dei  custodimini  per  fidem  in  salutem  quae  parata  est  revelari  tempore  ultimo.  3.  Benedictus  Deus.  Diximus  praecipuum  esse  statum  epistolae,  ut  nos  supra  mundum  erectos,  ad  sustinenda  militiae  spiritualis  certamina  comparet  atque  animet.  Ad  eam  rem  non  parum  valet  beneficiorum  Dei  agnitio.  Nam  quum  pretium  suum  apud  nos  obtinent,  facile  reliqua  omnia  vilescunt:  praesertim  quum  reputamus  quanti  sit  Christus  cum  suis  bonis,  quidquid  extra  ipsum  est,  nobis  erit  instar  stercoris.  Hac  de  causa  magnifice  hic  extollit  ingentem  Dei  gratiam  in  Christo,  ne  molestum  nobis  sit  nos  ipsos  et  mundum  abnegare,  ut  potiamur  inaestimabili  vitae  futurae  thesauro.  Deinde  ne  frangamur  praesentibus  aerumnis:  sed  patienter  eas  feramus,  in  aeterna  felicitate  acquiescentes.  Porro  quum  gratias  agit  Deo,  fideles  ad  spiritualem*  laetitiam  invitat,  quae  omnes  absorbeat  contrarios  carnis  affectus.  Et  pater  Domini.  Sic  resolve,  Deus  qui  pater  est  Iesu  Christi.  Nam  sicuti  olim  se  Deum  Abrahae  Calvini  opera.  Vol.  LV,