50:209  209  CAPUT  III.  210  ut  ad  veniente  aliqua  procella  ruant:  sed  in  perpetuum  tempus  stare,  ut  ne  in  media  quidem  morte  desinant  vivere.  Ita  nihil  proficiunt  subsannatores  suis  calumniis,  quum  allegant,  prophetam  illic  latius  accipere  fidei  nomen,  quam  Paulum  hoc  loco.  Nam  simpliciter  fidem  vocat  tranquillam  conscientiae  certitudinem,  quae  solo  Deo  nititur.  Ergo  apposite  usus  est  Paulus  hoc  testimonio.  12.  Lex  autem  non  est  ex  fide.  Certum  est  legem  cum  fide  non  pugnare:  alioqui  Deus  ipse  sibi  esset  dissimilis:  sed  illuc  semper  redeundum  est,  Paulum  loqui  prout  ferebat  praesentis  causae  circumstantia.  Ergo  repugnantia  legis  et  fidei  esfc  in  causa  iustificationis.  Facilius  enim  aquam  igni  copulabis,  quam  haec  duo  concilies:  homines  fide  et  lege  esse  iustos.  Lex  ergo  non  est  ex  fide:  hoc  est,  rationem  iustificandi  hominis  a  fide  prorsus  alienam  habet.  Sed  qui  fecerit  haec.  Diversitas  in  eo  est,  quod  homo  legem  implendo  iustus  censetur  iustitia  legali.  Quod  Mosis  testimonio  probat.  Quae  autem  erit  fidei  iustitia?  eam  definit  capite  ad  Romanos  10,  9:  Si  credamus  Christum  esse  mortuum  pro  peccatis  nostris,  etc.  Neque  tamen  inde  sequitur  vel  otiosam  esse  fidem,  vel  fidelibus  vacationem  esse  a  bonis  operibus.  Nam  hic  non  quaeritur  an  fideles  servare  legem,  quoad  possunt,  debeant  (quod  extra  dubium  est),  sed  an  operibus  acquirant  iustitiam:  quod  est  impossibile.  Porro  si  quis  obiiciat,  quum  Deus  vitam  promittat  legis  factoribus,  cur  negat  Paulus  illos  esse  iustos?  responsio  facilis  est:  ideo  nullos  esse  iustos  operibus  legis,  quia  nemo  est  qui  illa  faciat.  Nam  factores  legis  si  qui  essent,  iustos  esse  concedimus.  Sed  quia  illic  pactum  est  conditionale,  ideo  excluduntur  omnes  a  vita:  quia  nemo  iustitiam,  quam  debebat,  praestat.  Tenendum  autem  memoria  est  quod  prius  admonui,  legem  facere  non  qui  ex  parte  obediunt,  sed  qui  omnes  implent  iustitiae  numeros  :  a  qua  perfectione  longissime  distant  omnes.  13.  Christus  nos  redemit  Fecerat  omnes,  qui  sub  lege  sunt,  maledictioni  obnoxios.  Inde  oriebatur  magna  difficultas,  quod  Iudaoi  eximere  se  non  poterant  a  maledictione  legis.  Proposito  igitur  remedio  nodum  hunc  solvit,  docens  nos  esse  liberatos  per  Christum.  Quo  etiam  magis  intentionem  suam  confirmat.  Nam  si  ideo  salvi  sumus,  quia  sumus  a  maledictione  legis  liberati  :  ergo  non  ex  lege  iustitia.  Deinde  modum  quoque  liberationis  adiungit.  Scriptum  est:  Maledictus  omnis,  qui  suspensus  fuerit  in  ligno.  Christus  fuit  suspensus:  ergo  maledictionem  illam  subiit.  Iam  vero  certum  est,  non  sua  causa  supplicio  hoc  fuisse  perfunctum:  sequitur  ergo,  vel  frustra  fuisse  crucifixum,  vel  nostram  maledictionem  illi  esse  impositam,  ut  ab  ea  solveremur.  Non  dicit  autem  Christum  fuisse  maledictum,  Calvini  opera.  Vol.  L.