29:209  209  SUR  LE  DEUTER.  CHAP.  XXXIV.  210  de  sa  resurrection.  Que  nous  ne  facions  donc  nulle  difficulte  de  suyvre  le  Seigneur  Iesus,  d'autant  que  si  nous  mourons  avec  luy,  nous  sommes  asseurez  d'estre  participans  de  sa  vie  (comme  dit  S.  Paul)  et  d'en  estre  compagnons,  d'autant  qu'elle  nous  appartient.  Car  il  n'est  point  ressuscite  pour  son  profit,  mais  c'est  pour  la  certitude  de  nostre  salut:  que  nous  n'en  doutions  point  donc,  adherons  a  luy:  et  en  ce  faisant  soyons  asseurez  que  sa  resurrection  se  monstrera  aussi  en  nous.  Voila  donc  comme  nous  avons  a  prattiquer  ce  passage,  la  ou  il  est  dit,  que  Moyse  est  venu,  sachant  bien  que  quand  il  seroit  la,  que  Dieu  le  devoit  retirer:  que  neantmoins  il  n'a  point  fuy,  il  n'a  pint  resiste,  mais  il  a  este  tout  appareille  a  la  mort  en  vraye  obeissance,  voire  avec  une  telle  promptitude,  qu'il  ne  faut  point  qu'on  luy  conduise,  ne  que  Dieu  le  traine  par  Ia  main  des  sergeans.  Il  luy  dit  le  mot,  et  Moyse  y  va  de  son  bon  gre.  Au  reste,  notons  aussi  ce  qui  a  este  declare  touchant  la  punition  qui  a  este  envoyee  a  Moyse,  c'est  que  Dieu  l'a  forclos  et  bnnni  de  la  terre,  qui  esoit  promise  a  toute  la  lignee  d'Abraham.  Et  ce  luy  a  este  une  chose  bien  dure:  mais  si  est-ce  qu'il  l'a  portee  patiemment,  cognoissant  la  faute  qu'il  avoit  commise:  non  pas  qu'elle  vinst  de  luy.  Caril  avoit  tousiours  fidellement  servi  a  Dieu,  et  en  cest  acte-la  mesmes  encores  il  n'y  a  sinon  qu'il  s'est  despitte  contre  la  malice  du  peuple.  Mais  pource  qu'il  est  abbatu,  et  qu'il  n'a  pas  une  constance  telle  comme  elle  estoit  requise:  Dieu  luy  impute  ceste  faute-la,  et  le  punit  en  telle  rigueur  que  nous  voyons,  quand  il  ne  le  recoit  point  a  la  terre  promise.  Or  en  somme,  comme  nous  avons  dit,  cognoissons  que  la  ou  nous  ne  cuiderons  point  avoir  failli,  nos  offenses  seront  lourdes  et  enormes  devant  Dieu.  Apprenons  donc  de  n'estre  point  nos  iuges,  mais  de  nous  remettre  a  Dieu,  et  de  souffrir  que  par  sa  parolle  il  nous  approuve  ou  nous  condamne:  quand  nous  aurons  fait  ceci  ou  cela,  encores  que  nostre  conscience  ne  nous  redargue  point,  sachons  que  Dieu  voit  plus  clair  que  nous,  ainsi  que  dit  S.  Iean  en  sa  Canonique.  Et  si  nous  pensons  que  la  faute  soit  petite,  nostre  Seigneur  l'estimera  grande.  Si  on  vouloit  iuger  a  la  fantasie  des  hommes  de  cest  acte  de  Moyse,  que  dira-on,  sinon  qu'il  a  monstre  une  grande  vertu?  Car  il  resiste  au  peuple,  et  use  de  parolles  bien  rudes  et  aspres:  Pensez-vous  que  Dieu  ne  puisse  faire  sortir  l'eau  de  ce  rocher  ici?  Voila  Moyse  qui  bataille  en  soy,  en  obeissance  de  Dieu,  il  le  glorifie  :  bref  en  ses  propos  on  n'y  voit  sinon  toutes  choses  dignes  de  louange,  et  toutesfois  si  est-ce  qu'il  a  failli:  et  puis  que  Dieu  en  prononce,  ce  n'est  pas  a  nous  d'y  contredire.  Apprenons  donc  de  cheminer  en  humilite,  de  peur  qu'il  ne  nous  advienne,  comme  dit  Salomon,  quand  Calvini  opera.  Voi.  XXIX.