27:209  209  SUR  LE  DEUTER.  CHAP.  XII.  210  a  le  servir  de  tant  meilleur  courage  en  nous  proposant  salaire.  Il  est  vray  qu'il  n'est  rien  tenu  envers  nous  en  rien  qui  soit:  que  quand  nous  l'aurons  servi,  voire  plus  que  nous  ne  faisons  cent  mille  fois,  si  est-ce  que  desia  nous  luy  devons  tout:  car  nous  sommes  siens.  Et  il  nous  faut  noter  la  similitude  de  nostre  Seigneur  Iesus  Christ:  Que  si  un  homme  a  un  serf  comme  un  esclave,  quand  il  aura  travaille  pour  luy  tout  au  long  du  iour,  et  qu'il  retourne  le  soir  en  sa  maison,  le  maistre  ne  se  levera  point  pour  luy  donner  a  soupper:  mais  encores  veut-il  estre  servi  de  luy  a  sa  table.  Or  il  est  certain  que  nous  devons  bien  plus  a  Dieu,  que  les  hommes  ne  doivent  les  uns  aux  autres:  employonsnous  tant  qu'il  nous  sera  possible,  voire  par  dessus  toutes  nos  forces,  encores  ne  pourrons-nous  point  nous  acquitter  de  la  centiesme  partie  de  ce  que  nous  luy  devons:  et  quel  salaire  donc  pourronsnous  meriter  envers  luy?  Mais  par  sa  bonte  gratuite  il  est  dit,  que  ce  ne  sera  point  peine  perdue  quand  nous  le  servirons.  Ainsi  donc  notons,  que  Dieu  ne  veut  point  establir  une  dignite  en  nos  oeuvres  quand  il  nous  promet  salaire  :  mais  c'est  afin  de  nous  inciter  tant  plus.  Et  de  faict,  nous  sommes  bien  lasches,  si  ce  regard  ne  nous  esmeut.  Voici  Dieu  qui  me  peut  commander,  et  exiger  de  moy  tout  ce  qu'il  voudra,  car  ie  luy  suis  oblige  en  tout  et  par  tout:  mais  afin  que  ie  ne  soye  point  retenu  de  paresse,  il  me  dit  que  si  le  sers,  il  me  fera  prosperer,  et  il  passe  ici  comme  un  contract,  par  lequel  il  s'oblige  envers  moy.  Si  cela  ne  nous  esmeut,  ne  faut-il  pas  que  nous  soyons  plus  durs  que  pierres?  Or  cependant  nous  voyons  comme  le  povre  monde  ne  se  peut  gagner  en  facon  que  ce  soit,  quand  les  promesses  nous  sont  annoncees,  que  Dieu  nous  benira:  si  nous  pensons  de  nous  adonner  a  son  service,  nous  ne  laissons  pas  de  nous  adonner  a  tout  mal,  et  semble  que  nous  profiterons  beaucoup  en  provoquant  son  ire.  Si  nous  voyons  quelque  apparence  de  profit,  chacun  court  apres,  et  y  est-on  ravi  du  tout.  Et  qu'advient-il  quand  nous  cuidons  nous  enrichir  ainsi  par  fraudes,  et  meschantes  pratiques?  quand  nous  voulons  parvenir  a  quelque  ambition,  et  en  dignite,  quelle  en  sera  l'issue?  Nostre  Seigneur  maudira  tout  cela.  Il  semble  donc  que  nous  vueillions  prosperer  comme  en  despit  de  Dieu:  et  nous  sommes  tellement  transportez  en  nos  affections,  et  poussez  d'une  telle  rage,  que  Dieu  ne  nous  peut  retenir  ni  par  brides,  ni  par  cordeaux,  ne  par  chaines  mesmes.  Voila  desia  un  grand  mal:  c'est,  combien  que  nostre  Seigneur  nous  convie  doucement  a  soy,  et  qu'il  tasche  de  iouyr  de  nous  en  nous  promettant  salaire:  que  toutesfois  nous  sommes  si  pleins  d'incredulite,  qu'il  nous  semble  que  ce  n'est  rien  de  ce  qu'il  nous  promet,  que  cela  est  frivolle,  nous  n'en  sommes  point  esmeus:  et  les  Calvini  opera.  Vol.  XXVII.