15:209  209  1554  AUGUST.  m  1996.  CALVINUS  SULZERO.  Certiorem  facit  de  suo  contra  Westphalum  scribendi  consilio,  aeque  praefatione  in  Genesin  iam  prelo  tradita,  simul  de  Castellionis  arrogantia  et  calumniis  queritur.  (Exstat  impressa  in  Bezae  thesauro  ed*  Genev.  p.  135,  Laus.  p.  294,  Hanor.  p.  329,  Chouet  p.  183,  Amsfc.  p.  83,)  Quum  tumultuari  non  desinant  indocti  et  praefracti  homines,  qui  bellum  sacramentarium  in  Saxonia  renovant,  ineunda  erit  aliqua  ratio  quae  illorum  intemperiem  mitiget,  vel  clamores  saltem  compescat,  et  simul  pios  et  graves  doctosque  nobis  eonciliet.  Mihi  nihil  aliud  in  mentem  venit  quam  brevi  libello  testatum  facere  quanto  rectius  et  sincerius  sentiant  nostrae  ecclesiae  quam  illi  calumniantur.  Simul  ac  plus  otii  nactus  fuero,  tale  aliquid  meditor.  Nunc  excuditur  mea  in  Genesin  praefatio,  ad  filios  Ioannis  Friderici  Saxoniae  Ducis,  in  qua  pacis  et  concordiae  studium  obiter  commendo.  Castalio,  mihi  crede,1)  non  minus  virulenta  est  bestia  quam  indomita  et  pervicax.  Caritatem  simulat,  nempe  ut  modestiam:  quum  tamen  nihil  arrogantius  fingi  queat.  Libellum  illum2)  atrocibus  in  me  probris  refertum  ipse  et  alii  consarcinarant  ��o  consilio  ut  subitus  in  me  impetus  consurgeret.  IiOnge  decepti  sunt.  Nam  decrevit  senatus  ut  mihi  legendus  daretur.3)  Mihi  vero  non  modo  promptum  fuit  calumniarum  nebulas  discutere,  sed  etiam  convertere  in  meam  laudem,  quidquid  odiose  obiectum  fuerat.  Mihi  vero  magis  tolerabile  est  privatim  impeti,  quam  videre  subinde  miseros  qui  hic  degunt  Christi  exsules4)  quotidie  novis  molestiis  vexari.  Quanquam  Dominus  hac  quoque  in  parte  hactenus  manum  nobis  porrexit  ne  frangeremur.  Verum  de  ��tatu  nostro  si  plura  scire  cupies,  nuncius  tibi  fideliter  referet.  Filius  est  scribae  senatus,6)  iuvenis  probus  et  integer.  Vale,  ornatissime  vir  et  mihi  observande  frater.  Dominus  tibi  semper  adsit,  te  gubernet  ac  tueatur.  Collegae  mei  te  reverenter  salutant.  Tuis  nostro  omnium  nomine  plurimam  salutem  dices.  Genevae,  7.  Idus  Augusti  1554.  Ioannes  Calvinus  tuus.  1996.1)  Cf.  quae  SuUerus  dicebat  N.  1985.  2)  Hic  minime  de  Belliana  Farragine  loqui  videtur,  sed  potius  de  epistola  a  Vandelio  prolata  cuius  ergo  Castellionem  autor  em  credebat.  3)  Beg.  du  Conseil  14.  21.  Iun.  Beg*  de  la  Comp.  2.  Iul.  4)  Galli  scilicet  quos,  utpote  Calvini  asseclas,  Libertini  usque  odio  suo  prosequebantur.  5)  Hoc  tempore  Frc.  Beguin  scriba  erat  Calvini  opera.  Vol  XIV.