10.1:209  CONSILIA.  bons  et  fideles  serviteurs  de  Dieu  de  s'assubietir  a  ce  quils  voient  nestre  bon  ny  utile:  toutesfoys  pource  que  nous  avons  a  supporter  beaucoup  d'imperfections  quant  nous  ne  les  pouvons  corriger,  ie  ne  suys  point  d'advis  que  nul  frere  face  instance  la  dessus  pour  quitter  son  eglise  en  cas  que  la  plus  grand  part  tire  a  l'opposite.  Car  en  telle  chose  il  me  semble  que  c'est  assez  d'avoir  procure,  entant  qu'en  nous  est,  ce  que  nous  scavons  estre  le  meilleur.  Car  combien  que  ce  qu'on  veult  faire  accepter  emporte  ou  scandale  ou  mauvaise  consequence,  toutesfois  pource  que  de  soy  il  n'est  pas  repugnant  a  la  parole  de  Dieu  on  le  peult  accorder:  et  surtout  quant  on  veoit  que  la  pluralite  des  voix  surmonte,  d'aultant  que  celuy  qui  n'est  sinon  membre  du  corps  n'a  plus  nul  moien  de  persister  plus  oui  tre.  Sur  le  second  poinct,  si  on  doibt  tenir  et  advouer  pour  freres  ceux  qui  ont  estez  indeument  appellez  :  Ie  ne  voy  point  quil  soit  licite  d'approuver  leur  vocation  comme  legitime:  parquoy  il  ny  a  que  deux  voies,  ce  me  semble,  pour  respondre  a  cela,  c'est  que  par  souffrence  on  les  laisse  en  leur  estat  et  office,  ou  bien  qu'ilz  recongnoissent  leurs  faultes  et  que  sur  cela  ilz  soient  receuz.  La  premiere  responce  a  excuse  honneste  :  c'est  1)  qu'auiourdhuy  il  n'est  pas  besoing,  non  plus  que  pour  le  passe,  qu'on  sache  si  ceux  qui  n'ont  eu  nulle  liberte  de  les  eslire  ny  recevoir  advouent  le  faict  d'aultruy.  Parquoy  on  peult  requerir  que  si  le  prince  l'a  faict  par  commandement  et  authorite,  il  ne  contraigne  pas  ceux  qui  desirent  un  ordre  esgal  estre  observe  en  l'eglise  de  louer  et  approuver  un  acte  auquel  ilz  n'ont  point  este  ouy  mais  seulement  appellez  pour  tesmoings.  La  seconde  voye  seroit  meilleure  et  de  plus  grande  ediffication  et  plus  conforme  a  lordre  de  l'eglise.  Cest  que  paisiblement  ceux  qui  ont  estez  introduictz  par  telle  facon  protestent  d'estre  marrys  de  sestre  ingerez  sans  avoir  meilleur  fondement  de  leur  vocation,  et  qu'il  soit  declaire  notamment,  quil  nest  bon  ny  utile  ni  resonnable,  qu'on  y  procede  dorenavant  en  facon  si  confuse.2)  Mais  ie  m'esbay  comment  en  telz  interrogatoires  il  n'est  faict  nulle  mention  de  la  doctrine.  1)  quia  nullus  aperte  cogitur  ad  approbandum  quod  rectum  initium  non  habuit:  ut  si  princeps  ipse  induxit  ministrum,  populo  non  ad  consentiendum  sed  ad  testimonium  praebendum  tantum  vocato.  Res  igitur  propter  temporis  lapsum  suo  loco  ita  relinquatur.  2)  Id  ie  texte  latin  s'arrete,  en  ajoutant  encore  Ia  phrase  suivante:  Videndum  autem  ante  omnia  ut,  dum  ista  quae  ad  ordinem  pertinent  pro  merito  suo  disquiruntur  ut  par  est,  tum  ipsius  veritatis  doctrina  solida  et  aperta  constet  et  agnoscatur  apud  omnes,  tum  si  qui  illam  in  quocunque  capite  proscindunt,  aut  illi  detrahunt,  illis,  nisi  alii  esse  discant,  fraternitas  quam  primi  convellunt  renuncietur.  Calvini  opera.  Vol  X.