1:209  [CO  1.  209]  atque  obedire  cogant,  ipso  omnibus  a  summo  usque  ad  novissimum  imperent,  Christi  domum  aedificent,  satanae  regnum  subvertant,  oves  pascant,  lupos  interficiant,  dociles  exhortentur  et  instituant,  rebelles  et  pervicaces  arguant,  increpent,  revincant,  solvant,  ligent,  fulgurent  denique  et  fulminent:  sed  omnia  in  verbo  Dei.  Istaec  vero  potestas,  si  cum  ea  conferatur  qua  se  hactenus  in  populo  Dei  venditarunt  spirituales  isti  tyranni,  qui  episcopos  et  animarum  rectores  simulant,  nihilo  melior  erit  consensus,  quam  Christo  cum  Belial.  Primum  quidem.  fidem  nostram  suo  arbitrio  stare  et  cadere  volunt,  ut  quidquid  ipsi  in  utramque  partem  constituerint,  firmum  animis  nostris  statumque  sit.  Ut  sive  quid  proba-  [OS  238]  verint,  ipsum  nobis  nulla  dubitatione  probari,  sive  quid  damnaverint,  ipsum  quoque  pro  damnato  esse  oporteat.  Hinc  illa  inter  eos  axiomata:  penes  ecclesiam  esse,  condere  fidei  articulos,  ecclesiae  autoritatem  sacrae  scripturae  autoritatem  aequare;  Christianum  non  esse,  nisi  qui  in  omnia  sua  dogmata,  tam  affirmativa  quam  negativa,  vel  implicita  vel  explicita  fide,  certo  consentiat.  Et  eiusdem  formae  alia  quaedam.  Deinde  volunt  et  conscientias  nostras  suo  imperio  subiectas  esse,  ut  quascunque  leges  tulerint,  nos  maneat  obediendi  necessitas. [p. 429]  Interim  sua  libidine,  contemtoque  Dei  verbo,  cudunt  dogmata,  quibus  certam  postea  fidem  haberi  postulent,  et  leges  scribunt,  quarum  necessariam  faciant  observationem.  Atqui  hanc  in  asserendis  novis  dogmatibus  et  condendis  fidei  articulis  licentiam,  quam  apostolis  ipsis  sublatam  esse  nuper  ostendimus,  sibi  non  iure  vendicant.  Quodsi  nondum  acquiescunt,  Paulus  (2  Cor.  1)  certe  se  fidei  Corinthiorum  negabat  dominari  quorum  a  Domino  erat  ordinatus  apostolus.  Si  hanc  docendi  libertatem  agnovisset,  nunquam  hanc  disciplinam  tradidisset  eorum  ecclesiae,  ut  duobus  aut  tribus  loquentibus  prophetis,  caeteri  diiudicarent  (1  Cor.  14).  Quodsi  alteri  sedenti  revelatum  esset,  prior  taceret.  Sic  enim  nemini  pepercit,  cuius  autoritatem  verbi  Dei  censurae  non  subiiceret,  sed  multo  adhuc  clarius  alibi  (Rom.  10),  fidem  nostram  ab  omnibus  hominum  traditionibus  ac  figmentis  liberat,  cum  ait  fidem  esse  ex  auditu,  auditum  autem  per  verbum  Dei.  Scilicet,  si  a  solo  Dei  verbo  pendet  fides,  si  in  illud  solum  respicit  et  recumbit,  quis  iam  hominis  verbo  locus  relinquitur?  Legum  vero  ferendarum  potestas  cum  et  ipsa  apostolis  incognita  fuerit  et  toties  ecclesiae  ministris  per  verbum  Dei  adempta,  miror  qui  eam,  praeter  apostolorum  exemplum  et  contra  manifestum  Dei  interdictum,  ad  se [p. 430]  trahere  ausint.  Non  enim  ambiguum  est  quod  scribit  Iacobus  (Iac.  4):  Qui  iudicat  fratrem,  iudicat  legem.  Qui  legem  iudicat,  non  est  observator  legis,  sed  iudex.  Unus  autem  legislator,  qui  potest  servare  et  perdere.  Id  ipsum  apud  Iesaiam  dictum  erat,  quanquam  paulo  Calvini  opera  Vol.  I.