7:208  ilz  se  doyvent  conformer  tous.  Et  quand  il  n'y  auroit  autre  chose  que  l'admonition  qu'il  nous  faict  aux  Galates,  de  ne  point  abuser  de  nostre  liberte  pour  nous  desborder  en  licence  charnelle:  ce  seroit  desia  bien  assez  suffisante  restriction  pour  prevenir  l'impudence  de  ces  chiens,  [page  144]  qui  reiectent  ainsi  tout  ioug,  se  donnans  conge  de  vivre  sans  loy  ne  sans  reigle.  La  semblable  remonstrance  nous  est  faicte  par  sainct  Pierre,  quand  il  dict  que  la  liberte  spirituelleL)  que  le  Seigneur  Iesus  nous  a  acquise  ne  nous  doit  pas  estre  un  voile  de  meschancete.  Or  comment  cela  se  peut  il  faire,  sinon  qu'estans  delivrez  de  la  rigueur  de  la  loy,  pour  n'estre  plus  maudictz  par  icelle  devant  Dieu,  nous  vivions  neantmoins  selon  icelle:  veu  qu'elle  ne  laisse  point  de  nous  estre  bonne  doctrine  et  salutaire,  ia  soit  qu'elle  n'exerce  plus  sur  nous  telle  severite,  comme  elle  faict  sur  les  infideles.  Voila  le  beau  commencement  que  tiennent  les  Libertins,  a  traicter  la  liberte  Chrestienne.  L'escriture  nous  monstre  consequemment,  que  les  ceremonies  anciennes  sont  abolies,  et  pourtant  que  nous  ne  sommes  plus  tenus  a  l'observation  d'icelles  (Col.  2,  16):  et  en  general  que  noz  consciences  ne  sont  point  astreinctes  aux  choses  externes:  mais  plustost  qu'elles  sont  toutes  en  nostre  subiection:  et  ainsi,  qu'on  [page  145]  ne  nous  y  peut  imposer  necessite.  Ces  estourdis  prennent  ceste  doctrine  generalement,  comme  si  elle  s'estendoit  a  toutes  choses,  mesme  a  celles  que  nostre  Seigneur  requiert  de  nous  estroictement,  et  sans  lesquelles  nulle  sainctete  n'honnesfcete  de  vie  ne  peut  consister.  Pour  plus  facile  declaration  nous  prendrons  les  sentences  de  l'escriture,  lesquelles  ilz  pervertissent  en  les  tournant  a  leur  phantasie.  Sainct  Paul  dict  que  toutes  choses  luy  sont  licites  (1  Cor.  6,  12;  10,  23).  Tout  homme  de  sens  rassis,  voit  a  quel  propos.  La  circonstance  aussi  du  passage  le  monstre  clairement.  Car  il  est  question  des  choses  externes:  comme  de  manger  de  la  chair  consacree  aux  idoles:  moyennant  qu'il  n'y  ait  point  de  superstition.  Pourtant  que  cela  est  indifferent,  sainct  Paul  confesse  qu'il  est  bien  licite  de  soy:  mais  que  l'usage  en  doit  estre  reigle  a  edification.  Ces  demoniacques  en  font  une  sentence  generale,  pretendans  soubz  ombre  de  cela,  qu'il  n'y  ait  rien  defendu  a  l'homme  Chrestien.  Comme  si  sainct  Paul  entendoit  [page  146]  qu'il  fust  licite  de  paillardes  desrober  et  meurtrir.  Mais  quoy?  Ia  soit  qu'ilz  se  mocquent  de  toute  l'escriture  quand  bon  leur  semble,  ilz  font  icy  semblant  de  s'arrester  aux  motz.  Celuy  qui  nomme  tout,  disent-ilz,  n'exclud  rien.  Mais  il  convenoit  regarder  le  subiect  dont  il  traicte,  non  pas  s'es-  1)  christianam.