56:208  de  malediction  a  la  femme,  afin  que  l'eau  de  malediction  et  d'amertume  entre  en  elle.  25.  Et  le  Sacrificateur  prendra  de  la  main  de  la  femme  l'oblation  de  ialousie,  laquelle  il  eslevera  devant  l'Eternel,  et  l'offrira  sur  l'autel.  26.  Le  Sacrificateur  aussi  prendra  une  pongnee  de  l'oblation  en  memorial  d'icelle,  et  en  fera  perfumigation  sur  l'autel.  27.  En  apres  il  baillera  l'eau  a  boire  a  la  femme.  Et  apres  avoir  beu  l'eau,  s'il  advient  qu'elle  ait  este  pollue,  et  qu'elle  ait  commis  prevarication  contre  son  mari,  l'eau  d'amertume  et  de  malediction  entrera  en  elle,  et  son  ventre  crevera,  et  sa  cuisse  cherra.  Ainsi  sera  la  femme  en  malediction  au  mileu  de  son  peuple.  28.  Que  si  la  femme  n'a  point  este  pollue,  ains  est  pure,  elle  en  sera  exempte,  et  engendrera  lignee.  29.  C'est  la  loy  de  ialousie,  quand  la  femme  s'est  divertie  de  son  mari,  et  qu'elle  a  este  pollue.  80.  Ou  si  l'homme  est  esmeu  d'esprit  de  ialousie,  tant  qu'il  soit  ialoux  de  sa  femme,  il  fera  assister  la  femme  devant  l'Eternel,  et  le  Sacrificateur  fera  a  icelle  selon  toute  ceste  loy.  31.  Et  l'homme  sera  exempt  de  l'iniquite:  mais  ceste  femme  portera  la  peine  de  son  iniquite.  Chapitre  VI.  1.  Et  l'Eternel  parla  a  Moyse,  disant,  2.  Parle  aux  enfans  d'Israel,  et  leur  di,  Si  l'homme  ou  la  femme  a  fait  voeu,  assavoir  le  voeu  de  Nazarien,  pour  se  sanctifier1)  a  l'Eternel.  3.  Il  s'abstiendra  de  vin  et  de  cervoise,  et  ne  boira  nulle  chose  aigre  de  vin,  ne  de  cervoise,  ni  de  toute  liqueur  de  raisins,  et  ne  mangera  point  de  grappes  fraisches  ou  seches.  4.  Tous  les  iours  qu'il  sera  Nazarien,  il  ne  mangera  de  nulle  chose  qui  soit  faite  du  vin  de  la  vigne,  depuis  les  grains  iusques  a,  la  pelure.  5.  Durant  qu'il  est  separe  par  son  voeu,  le  rasoir  ne  passera  point  sur  sa  teste,  iusques  a  ce  que  les  iours  lesquels  il  s'est  consacre  a  l'Eternel  soyent  passez,  il  sera  sainct,  et  laissera  croistre  les  cheveux  de  sa  teste.  6.  Durant  le  temps  qu'il  est  separe  a  l'Eternel,  iamais  ne  viendra  a  la  personne  du  mort.  7.  Il  ne  se  souillera  point  sur  son  pere,  sur  sa  mere,  sur  son  frere,  sur  sa  soeur,  quand  ils  seront  morts:  car  la  consecration  de  son  Dieu  est  dessus  sa  teste.  8.  Tous  les  iours  qu'il  sera  separe,2)  il  sera  sainct  a  l'Eternel.  9.  Item,  si  quelqu'un  est  mort  aupres  de  luy  subitement  par  cas  fortuit,  il  aura  pollue  le  chef  de  sa  consecration,  dont  tousera  son  chef  le  iour  de  sa  purification:  il  le  tousera,  di-ie,  au  septieme  iour.  10.  Et  au  huitieme  iour  il  apportera  deux  tourterelles  ou  deux  pigeons  de  colombe  au  Sacrificateur  a  la  porte  du  tabernacle  de  convenance,  ll.  Lors  le  Sacrificateur  en  sacrifiera  l'un  *)  separer  O.  2)  Nazarien  O.