55:208  ab  electis  discerni,  prout  quisque  hac  vel  illa  sorte  dignus  est.  Scriptura  autem  ubique  Dei  propositum,  in  quo  fundata  est  nostra  salus,  meritis  nostris  opponit.  Quum  ergo  Petrus  electos  vocat  secundum  praecognitionem  Dei,  significat  non  aliunde  pendere  eius  causam,  sed  in  solo  Deo  quaerendam  esse:  quia  ipse  sibi  sponte  ad  nos  eligendos  autor  fuerit.  Ergo  Dei  praecognitio  submovet  omnem  humanae  dignitatis  respectum.  Qua  de  re  diffusius  tractavimus  Ephesiorum  primo  capite,  et  aliis  in  locis.  Quemadmodum  tamen  in  electione  nostra  primas  gratuito  Dei  beneplacito  assignat:  ita  rursum  vult  eam  ex  effectu  a  nobis  cognosci.  Nihil  enim  periculosius  ac  magis  praeposterum  est,  quam  omissa  vocatione,  electionis  nostrae  certitudinem  quaerere  in  abscondita  Dei  praescientia.  Hic  enim  nimis  profundus  est  labyrinthus.  Quare  ut  huic  periculo  occurrat  Petrus,  optimum  temperamentum  adhibet.  Quamquam  enim  primo  loco  yult  considerari  Dei  consilium,  cuius  causa  nonnisi  in  ipso  est:  mox  tamen  ad  effectum  nos  revocat,  quo  electionem  nostram  nobis  declarat  ac  testatur.  Effectus  ille  est  spiritus  sanctificatio,  hoc  est,  vocatio  efficax,  dum  ad  externam  evangelii  praedicationem  accedit  fides,  quae  ex  interiore  spiritus  motu  nascitur.  Inquilinis.  Qui  metaphorice  sic  vocari  putant  quoslibet  pios,  quia  in  mundo  peregrini  sint  qui  ad  coelestem  patriam  contendunt,  longe  falluntur:  et  satis  refelli  potest  eorum  error  ex  dispersionis  nomine  quod  proxime  sequitur.  Nam  in  solos  Iudaeos  competit,  non  tantum  quia  huc  et  illuc  disiecti  exsulabant  a  patria,  sed  quoniam  eiecti  erant  ex  ea  terra,  quae  illis  in  perpetuam  haereditatem  a  Domino  promissa  erat.  Omnes  quidem  fideles  postea  vocabit  inquilinos,  quia  in  terra  peregrinantur:  sed  hic  alia  est  ratio.  Ideo  itaque  inquilini  erant,  quod  pars  in  Pontum,  pars  in  Galatiam,  pars  in  Bithyniam  dispersa  erat.  Nec  mirum  quod  Iudaeis  hanc  epistolam  proprie  destinet  :  quia  sciebat  illis  se  constitutum  apostolum,  quemadmodum  Paulus  docet  secundo  ad  Galatas  capite  (v.  8).  Sub  regionibus,  quas  enumerat,  comprehendit  totum  Asiae  minoris  tractum,  a  Ponto  Euxino  usque  in  Cappadociam.  In  obedientiam.  Quum  sanctificationi  duo  haec  subiiciat,  videtur  obedientiae  nomine  intelligere  vitae