52:208  vis  aliena  ab  evangelii  simplicitate  figmenta  funditus  prosternit?  16.  Ipse  vero  Dominus.  Quod  opus  maxime  divinum  Christo  adscribit,  et  eum  indifferenter  cum  patre  facit  summorum  bonorum  autorem:  ut  nobis  eo  luculenter  probatur  Christi  divinitas,  ita  admonemur,  non  aliter  obtinere  nos  posse  quidquam  a  Deo,  nisi  in  Christo  ipso  quaeramus.  Et  quum  a  Deo  illis  dari  petit  quae  praeceperat,  satis  innuit  quam  parum  valeant  exhortationes,  nisi  Deus  corda  intus  moveat  et  afficiat.  Certe  inanis  tantum  sonitus  aures  feriet,  nisi  efficaciam  habeat  a  spiritu  doctrina.  Quae  postea  addit,  qui  dilexit  vos,  et  dedit  consolationem,  ete.  ad  impetrandi  fiduciam  spectant.  Vult  enim  persuasum  esse  Thessalonicensibus,  Deum  facturum  quae  precatur.  Unde  autem  probat?  Quia  semel  eos  sibi  caros  esse  monstravit,  dum  iam  praeclaris  eos  beneficiis  prosequutus  est,  atque  hoc  modo  se  illis  in  posterum  devinxit.  Id  sibi  vult  aeterna  consolatio.  Eodem  et  spei  nomen  spectat:  ut  perpetuam  donorum  continuationem  certo  exspectent.  Quid  autem  petit?  ut  Deus  consolatione  sua  eorum  corda  sustineat.  Nam  hoc  eius  officium  est,  ne  anxietate  vel  diffidentia  concidant:  deinde  ut  det  illis  perseverare,  tam  in  piae  et  sanctae  vitae  cursu,  quam  in  sana  doctrina.  De  hac  enim  potius,  quam  de  communi  sermone  eum  loqui  puto  :  ut  cohaereat  cum  superioribus.  CAPUT  l  l  l  .  1.  Quod  reliquum  est,  orate  fratres  pro  nobis:  ut  sermo  Domini  currat  et  glorificetur,  quemadmodum  et  apud  vos:  2.  et  ut  liberemur  ab  importunis  et  malignis  hominibus.  Non  enim  omnium  est  fides.  3.  Fidelis  autem  Dominus,  qui  confirmabit  vos  et  custodiet  a  maligno.  4.  Confidimus  autem  in  Domino  de  vobis,  quod  quae  vobis  praecipimus,  et  facitis,  et  facturi  estis.  5.  Dominus  autem  dirigat  corda  vestra  in  dilectionem  Dei  et  exspectationem  Christi.  1.  Orate  pro  nobis.  Quamquam  potenter  illi  aderat  Dominus,  et  precandi  ardore  superabat  alios  omnes:  non  tamen  negligit  fidelium  preces,  quibus  nos  Dominus  vult  adiuvari.  Nos  quoque  eius  exemplo  hoc  adminiculum  sedulo  expetere  convenit,  et  fratres  stimulare  ut  pro  nobis  orent.  Caeterum  quum  addit,  ut  sermo  Dei  c  u  r  r  a  t  :  ostendit,  se  non  tam  privatam  habere  sui  curam  et  rationem,  quam  totius  ecclesiae.  Cur  enim  Thessalonicensium  precibus  commendatus  esse  cupit?  ut  scilicet  evangelii  doctrina  suum  cursum  habeat.  Non  tam  igitur  se  unum  respici  vult,  quam  et  Christi  gloriam  et  communem  ecclesiae  salutem.  Cursus,  propaga-