51:208  testamentum,  parum  solide  philosophantur.  Porro  quo  melius  ostendat,  non  esse  supervacuam  hanc  exhortationem  apud  Ephesios,  pristinae  vitae  memoriam  illis  renovat  Ac  si  diceret:  Tetus  homo  in  vobis  regnavit,  quo  tempore  nondum  Christus  se  vobis  patefecerat.  Ergo  pristinae  vitae  renuntiandum  est,  si  vultis  illum  abiicere.  Qui  corrumpitur.  A  fructibus  designat  veterem  hominem:  hoc  est  a  pravis  cupiditatibus,  quae  homines  in  exitium  illectant.  Quod  autem  dicit  corrumpi,  in  eo  alludit  ad  nomen  vetustatis.  Nam  ipsa  vetustas  proxima  est  corruptioni.  Cave  autem  cum  papistis  crassas  tantum  et  quasi  palpabiles  libidines  intelligas,  et  quarum  manifesta  est  turpitudo  inter  homines:  sed  eas  quoque  sub  hoc  verbo  comprehendo,  quae  laudi  interdum  magis  dantur  quam  vitio.  Quales  sunt  ambitio,  astutia,  et  quaecunque  vel  ex  amore  nostri,  vel  ex  diffidentia  nostra  procedunt.  23.  Renovemini  autem.  Secundum  membrum  in  regula  pie  sancteque  vivendi:  nempe  ut  spiritu  Christi  vivamus  potius  quam  nostro.  Sed  quid  sibi  vult  spiritus  mentis?  Ego  simpliciter  accipio,  ac  si  dixisset:  Renovemini,  non  tantum  quod  ad  inferiores  appetitus  aut  concupiscentias  quae  palam  sunt  vitiosae,  sed  etiam  quod  ad  partem  illam  animae,  quae  nobilissima  et  praestantissima  habetur.  Hic  enim  rursus  ponit  reginam  illam,  quae  propemodum  adoratur  a  philosophis:  et  spiritum  mentis  nostrae  divino  ac  coelesti  tacite  opponit,  qui  aliam  in  nobis  ac  novam  mentem  generat1).  Unde  colligere  promptum  est  quid  sit  in  nobis  sanum  aut  incorruptum,  quum  rationem  aut  mentem  potissimum  corrigi  praecipiat,  in  qua  nihil  videtur  esse  praeter  virtutem  et  laudis  materiam.  24  Induatis  novum  hominem.  Sic  resolvere  convenit:  Induite  novum  hominem:  quod  nihil  aliud  est  quam  spiritu,  hoc  est  intus,  renovari  :  et  quidem  in  totum,  ita  ut  initium  a  mente  fiat,  quae  pars  maxime  intacta  esse  videtur  ab  omni  vitio.  Quod  de  creatione  subiicitur,  tam  ad  primam  creationem  hominis,  quam  ad  reformationem  quae  fit  Christi  gratia,  referri  potest.  Utraque  expositio  vera  erit.  Nam  et  initio  creatus  fuit  Adam  ad  imaginem  Dei,  ut  iustitiam  Dei  quasi  in  speculo  repraesentaret.  Sed  quoniam  imago  illa  deleta  est  per  peccatum,  ideo  nunc  in  Christo  instaurari  oportet.  Nec  sane  aliud  est  regeneratio  piorum,  quam  reformatio  imaginis  Dei  in  illis:  quemadmodum  2.  ad  Corinth.  3,  18  dictum  est.  Quamquam  longe  uberior  est  ac  potentior  Dei  gratia  in  hac  secunda  creatione,  quam  prima  fuerit.  Sed  hoc  tantum  respicit  scriptura,  quod  summa  nostra  perfectio  sit  conformitas  et  similitudo,  quae  nobis  est  cum  Deo.  Ad  eam  vero  O  Haec  adsunt  iam  1551.