30:208  obrem  tantum  erga  nos  Dei  beneficium  magni  facere  nos  oportet,  et  vicissim  Deo  respondere,  et  veritatem  quae  nobis  illic  proponitur  amplecti,  ne  baptismum  nostrum  polluamus.  Cavendum  itaque  summopere  ne  stultitia  nostra  et  arrogantia  praecipites  feramur,  et  in  eorum  numero  habeamur,  qui  vocationem  ad  quam  vocati  sunt  non  attendunt:  ut  solebant  olim  Iudaei  circumcisione  gloriari,  nihil  minus  tamen  quam  corde  circumcisi.  Idcirco  tam  frequentes  vi  i  emus  apud  prophetas  iustiusmodi  obiurgationes:  Vos  a  me  estis  aversi,  quum  vestra  malitia  cultum  meum  reliquistis,  et  vestro  templo  et  externo  illo  circumcisionis  signo  valde  gloriamini,  meque  vobis  ideo  devinctum  et  obligatum  arbitramini;  et  idcirco  vobis  ad  quodvis  flagitium  habenas  laxatis,  sed  procul  a  me  profani  et  impii  homines  estote,  (iicit  Dominus.  Nos  itaque  diligenter  caveamus,  ne  nostris  pollutionibus  baptismum  nostrum  aboleamus:  sed  potius  illud  tanquam  pretiosissimum  nostrae  redemptionis  pignus  habeamus:  et  Deum  patrem  et  servatorem  speremus,  modo  in  ipsius  timore  ambulemus,  debitumque  ipsi  honorem  et  gloriam  reddamus:  certo  persuasi  non  frustra  Deum  nos  ad  se  vocasse,  sed  externo  illo  signo  tentari  nos  in  ipsius  filiorum  numero  censeri  et  haberi,  quo  discernimur  et  distinguimur  ab  iis  quos  pro  suis  non  agnoscit.  Iam  vero  agite,  ete.  HOMILIA  LXIT.  28.  Quod  quum  audisset  Eliab  frater  eius  maior,  loquente  eo  cum  aliis,  iratus  est  contra  David,  et  ait:  Quare  venisti  j  et  quare  dereliquisti  pauculas  illas  oves  in  deserto  ?  Ego  novi  superbiam  tuam  et  nequitiam  cordis  tui,  quia  ut  videres  praelium  descendisti.  29.  Et  dixit  David:  Quid  feci?  numquid  non  verbum  est?  30.  Et  declinavit  paululum  ab  eo  ad  alium:  dixitque  eundem  sermonem,  et  respondit  ei  populus  verbum  sicut  prius.  31.  Audita  sunt  autem  verba  quae  loquutus  est  David,  et  annunciata  in  conspectu  Saul.  32.  Ad  quem  quum  fuisset  adductus,  loquutus  est  ei:  Non  concidat  cor  cuiusquam  in  eo,  ego  servus  tuus  vadam,  et  pugnabo  adversus  Philistaeum.  33.  Et  ait  Saul  ad  David:  Non  vales  resistere  Philistaea  isti,  nec  pugnare  adversus  etim:  quia  puer  es,  hic  autem  vir  bellator  est  ab  adolescentia  sua.  34.  Dixitque  David  ad  Saul:  Pascebat  servus  tuus  patris  sui  gregem,  et  veniebat  leo  vel  ursus,  et  tollebat  arietem  de  medio  gregis.  35.  Et  persequebar  eos,  et  percutiebant,  eruebamque  de  ore  eorum,  et  illi  consurgebant  adversum  me,  et  apprehendebam  mentum  eorum,  et