29:208  mer  qui  estoit  a  l'opposite,  c'est  assavoir  la  mer  mediterraneo.  Il  regarde  donc  tout  le  pays,  afin  qu'il  soit  certifie  devant  son  trespas,  que  la  promesse  que  Dieu  avoit  donnee  quatre  cens  ans  auparavant,  n'estoit  pas  frivolle,  qu'elle  estoit  preste  d'accomplir:  neantmoins  il  ne  luy  est  pas  licite  d'entrer  en  la  terre,  il  en  a  seulement  le  regard.  Et  Dieu  le  punit  (comme  il  a  este  traitte  ci  dessus)  d'autant  qu'il  ne  l'avoit  point  glorifie  au  lieu  de  Meriba,  c'est  a  dire,  qui  fut  nomme  estrif,  a  cause  que  le  peuple  s'estoit  mutine.  Or  ici  nous  avons  a  reduire  en  memoire  ce  que  desia  nous  avons  expose  plus  au  long,  c'est  assavoir,  de  l'obeissance  de  Moyse.  Car  il  sait  bien  qu'il  monte  la  ou  Dieu  l'appelle,  afin  d'y  mourir.  La  mort  donc  ne  luy  est  pas  si  dure,  qu'il  ne  s'y  prepare,  puis  qu'il  voit  que  telle  est  la  volonte  de  Dieu.  Or  nous  sommes  enseignez  par  cest  exemple  de  vivre  tellement,  que  nous  ayons  tousiours  un  pied  leve  quand  Dieu  nous  voudra  retirer  a  soy.  Et  de  faict  que  gagnent  les  plus  rebelles,  quand  ils  veulent  fuir  la  mort,  sinon  qu'apres  s'estre  bien  despittez,  si  sont-ils  veincus  par  force?  Or  c'est  une  povre  consideration  aux  hommes,  de  ne  point  penser,  comme  Dieu  les  a  ici  mis,  qu'il  doit  aussi  avoir  l'authorite  de  les  en  retirer  quand  il  luy  plaira:  nous  monstrons  que  nous  sommes  despourveus  de  sens  et  de  raison  comme  bestes  brutes,  si  nous  n'avons  un  tel  esgard.  Apprenons  donc  d'achever  tellement  nostre  course,  cheminans  comme  pelerins  sur  la  terre��  que  tousiours  nous  soyons  prests  et  disposez  d'en  sortir,  quand  Dieu  nous  monstrera  que  nostre  heure  est  venue.  Or  il  est  vray  que  cela  ne  se  peut  faire,  que  nous  n'ayons  conceu  une  esperance  d'une  meilleure  vie  :  car  comme  dit  sainct  Paul,  de  nature  nous  n'appettons  point  d'estre  despouillez,  qu'il  n'y  a  celuy  qui  ne  desire  d'estre:  il  faut  donc  que  nous  cognoissions  que  nostre  vraye  demeure  n'est  point  ici  bas,  que  nous  avons  a  y  passer  tant  seulement.  Et  ainsi,  sans  la  foy  iamais  nous  ne  pourrons  obeir  a  Dieu,  et  sur  tout  quand  ii  est  question  d'estre  retirez  du  monde,  nous  grincerons  tousiours  les  dents,  que  s'il  estoit  possible  nous  voudrions  batailler  a  l'encontre  de  Dieu  :  maio  quand  nous  aurons  conceu  que  nostre  heritage  est  la  haut,  que  Dieu  nous  reserve  une  vie  meilleure:  nous  sommes  deliberez  et  appareillez  de  nous  ranger  a  luy  toutes  fois  et  quantes  qu'il  nous  donnera  signe  qu'il  faut  partir  d'ici.  Voila  donc  comme  nous  ensuyvrons  l'exemple  de  Moyse.  Or  il  est  vray  qu'il  a  bien  eu  la  promesse,  que  Dieu  le  tenoit  des  siens:  mais  elle  s'adresse  aussi  bien  a  nous:  et  avons  d'avantage,  c'est  que  nostre  Seigneur  Iesus  Christ,  qui  est  nostre  vie,  nous  est  apparu,  afin  que  nous  suyvions  hardiment  ses  pas.  Or  il  est  entre  en  la  mort  pour  nous  conduire  en  la  gloire