27:208  ne  donnions  scandales  a  personne,  que  ceux  qui  voudront  mesdire  de  nous  ayent  la  bouche  close:  mais  cependant  si  ne  faut-il  pas  que  les  hommes  soyent  iuges  de  leur  vie,  il  faut  que  Dieu  ait  son  authorite.  Et  voila  pourquoy  l'Escriture  voulant  signifier  une  perfection  angelique,  dit:  Qu'un  tel  homme  aura  chemine  devant  Dieu.  Car  si  nous  voulons  nous  conformer  au  monde,  que  sera-ce?  Nous  voyons  comme  la  plus  grande  multitude  se  desborde,  nous  ferons  loy  de  coustume  mauvaise.  Quand  les  paillardises  regneront,  les  yvrongneries,  les  outrages,  les  violences,  les  blasphemes,  il  nous  semblera  que  cela  est  permis.  Et  pourquoy?  Pource  qu'il  est  accoustume.  Nous  serons  donc  transportez  quand  nous  voudrons  nous  mesler  parmi  le  monde:  et  puis,  ceux  que  semblent  estre  les  plus  devots,  auront  des  menus  fatras,  des  bagages  pour  servir  a  Dieu,  ils  feront  beaucoup  d'agios,  et  finfreluches:  mais  tout  cela  n'est  rien,  c'est  se  moquer.  Ainsi  donc  nous  avons  a  cheminer  devant  Dieu,  encores  que  nous  voyons  les  choses  estre  plus  que  confuses,  et  que  tout  soit  dissipe  :  tant  y  a  qu'il  nous  faut  tousiours  tenir  le  bon  chemin  que  Dieu  nous  monstre.  Si  nous  voyons  les  hommes  s'esgarer,  et  inventer  beaucoup  de  sottes  devotions:  laissons  tout  cela,  contentons-nous  de  faire  ce  que  Dieu  nous  ordonne.  Il  est  vray  que  nous  ne  laisserons  pas  d'estre  condamnez:  mais  si  Dieu  nous  approuve,  nous  avons  un  bon  garant.  Comme  auiourd'huy,  pource  que  nous  n'avons  point  tous  ces  badinages  des  Papistes,  que  nous  n'avons  point  ici  des  marmousets,  que  nous  n'avons  point  ces  parements  d'autels,  luminaires,  et  choses  semblables:  ils  se  mocquent  de  la  simplicite  que  nous  suyvons,  et  leur  semble  qu'il  n'y  a  plus  de  service  de  Dieu  entre  nous:  mais  quoy  qu'il  en  soit  nous  avons  ici  un  bon  tesmoignage,  c'est  que  nous  facions  ce  qui  est  bon  devant  les  yeux  de  nostre  Dieu.  Et  ce  n'est  point  pour  un  coup  que  Moyse  en  parle,  desia  nous  avons  veu  d'autres  passages  se  rapportant  a  ce  but:  mais  ici  en  dix  lignes  ce  mot  est  couche  deux  fois  :  et  cela  n'est  point  superflu,  veu  que  nous  sommes  tant  enclins  a  faire  ce  que  le  monde  approuve,  et  que  nous  demandons  qu'on  nous  applaudisse,  et  que  nous  voulons  tousiours  estre  iustifiez  quant  au  monde.  Moyse  nous  ramene  la:  Non,  contentez-  vous  de  faire  ce  que  nostre  Seigneur  a  ordonne:  quand  il  vous  approuvera,  voila  une  iustice  parfaite:  mocquez-vous  hardiment  de  tout  le  monde.  Voila  donc  un  item  que  nous  avons  a  retenir,  quand  Moyse  declaire  qu'on  face  ce  qui  est  bon  devant  Dieu.  Or  il  adiouste  quant  et  quant  la  promesse,  pour  donner  meilleur  courage  au  peuple.  Afin  (ditil)  que  tu  prosperes,  voire,  toy  et  tes  enfans  a  iamais.  Ici  en  premier  lieu  nous  voyons  ce  qui  a  desia  este  touche,  c'est  assavoir  que  nostre  Seigneur  nous  incite