20:208  (Ex  autographis  Cod.  Goth.  404,  fol.  243.  .  Edidit  Liebe  p.  8S  ex  quo  descripsit  Simlerus  vol.  108.)  A  Monsieur  et  treshonore  pere  Monsieur  Passelius.  8.  Nihil  audio  libentius,  pater  in  Christo  colendissime,  quam  te  ex  diutino  morbo  saltem  utcunque  recreatum  esse.  Opto  autem  ut  pristinae  sanitati  restitutus  eam  constantissime  per  longissimam  aetatem  retinere  possis.  Quod  idem  ab  omnibus  piis  ecclesiis  summe  expeti  non  est  mirum,  quum  te  quasi  columnam  huiusce  temporis  praecipuam  experiantur  ad  doctrinam  veritatis  sustinendam.  Sed  mihi  comprimis*  tua  salus  cara  est,  quum  ob  alia  permulta,  tum  quod  tanquam  in  sinu  tuo  exonerare  soleam,  si  quid  animo  meo  male  est,  nec  tu  pro  humanitate  tua  gravaris,  haud  secus  ac  si  parens  esses,  et  monendo  et  consulendo  meas  aegritudines  allevare.  Utinam  autem  eiusmodi  tempus  accidat,  ut  grati  animi  specimen  aliquod  erga  te  possim  exhibere.  Non  immemorem  tuorum  erga  me  beneficiorum  me  tibi  comprobabo.  Sed  pro  meo  more  ad  te  rursus  accedo  consilium  petens.  Senatui  ecclesiastico  interesse  postulat  Domina  Ferrariae,l)  exemplo,  ut  inquit,  Reginae  Navarrae.  Qua  mente,  non  est  mihi  obscurum:  nempe  ut  eius  praescripto  omnia  in  consistorio  decernantur,  sicuti  in  concionibus  ac  precationibus  vellet  omnia  suo  arbitratu  dici.  At  si  turpe  putat  Paulus  mulierem  in  coetu  loqui,  quanto  erit  turpius,  si  nihil  non  statuet  ac  decernet?  Iam  ad  nostram  ecclesiam  quam  rari  se  conferent,  si  quibus  de  rebus  appellati  fuerint,  apud  tantam  principem  intellexerint  examinanda?  Quam  ridicula  erunt  papistis  atque  Anabaptistis  consistoria  nostra,  quae  a  foeminis  gubernari  dicentur?  Enixe  rogavi  aut  proximas  ecclesias,  aut  te  super  ea  re  consuleret,  quod  utrumque  recusavit.  Quum  seniores,  quos  ex  eius  familia  quatuor  delegeramus,  sensim  se  ab  officio  deduxissent,  ab  uno  eorum  intellexi  id  quasi  ex  composito  fieri,  ne  Principis  animum  offenderent,  quae  quasi  iniuriae  deputaret,  si  quis  eorum  in  consistorio  interesset.  Quid  igitur  mutilato  ac  prope  everso  senatu  ecclesiastico  constituam?  An  superciliosi  aulici  dictis  oppidanorum  seniorum  audientes  erunt,  qui  domesticis  Principis  tantopere  parere  indignantur.  Sed  aulicorum  seniorum  culpam  probe  videtur  ultus  Dominus.  Ex  his  enim  plerique  adulterii  sunt  insimulati.2)  Nec  forte  probationes  idoneae  defuissent,  si  res  ad  legitimam  cognitionem  deducta  fuisset.  Maluit  Domina  quosdam  domum  dimittere,  quam  factum  accuratius  investigari.  Alios  secum  retinet  omnium  arcanorum  suorum  conscios  4055.1)  Vide  ep.  eius  d.  d.  21.  Mart.  1564.  2)  cf.  N.  3951.