15:208  Ornatissimo  viro  et  fideli  Tigurinae  ecclesiae  pastori  D.  Henricho  Bullingero  fratri  et  symmystae  colendissimo.  S.  Quamquam  ex  tuis  ad  me  literis,1)  optima  et  venerando  frater,  consilium  tuum  de  refellenda  eorum  intemperie,  qui  bellum  sacramentarium  renovant,  aliqua  ex  parte  intellexeram,  ex  alteris  tamen  quas  ad  Bezam  nostrum  scripsisti,2)  quid  de  tota  re  sentires  et  quam  probares  agendi  rationem,  certius  colligere  licuit.  Ego  vero,  quia  magis  idoneum  3)  communis  causae  patronum  deligi  optassem,  suspensus  dubiusque  animi  hactenus  distuli  responsionem.  Caeterum  quum  videam,  in  hoc  quem  mihi  iniungis  labore  non  singulare  ingenii  acumen,  non  magnam  doctrinam,  non  accuratum  studium  requiri,  sed  fide  tantum  ac  mediocri  dexteritate  esse  opus,  tandem  aliquid  tentare  4)  in  animum  induxi.  Ergo  simul  ac  otii  plusculum  nactus  fuero,  opus  aggrediar,  quod  brevi  absolutum  erit.  Compendio  enim  studebo,  ut  re  citra  artificium  ante  oculos  posita  iudicent  sani  lectores,  furere  istos  zelotas,  dum  se  et  alios  de  nihilo  fatigant.  Quia  tamen  ab  eo  tempore  mire  fui  districtus,  et  nunc  adhuc  quaedam  scriptiones  aliae  5)  me  occupant,  non  ante  mensem  incipere  vacabit.  Libellum  qualis  qualis  erit  mature  curabo  vobis  reddendum^  ut  si  placuerit  exeat  in  publicum,  sin  minus  intereat.  D  e  rebus  nostris  nihil  scribo,  quia  nihil  est  novi  quod  te  delectet.  Vale,  ornatissime  vir  et  mihi  observande  frater.  Symmystas  tuos,  uxorem,  generos,  totamque  familiam  saluta  meo  nomine,  Dominus  semper  vobis  adsit,  vosque  tueatur  et  regat.  Genevae  7.  Augusti  1554.  Laelius  brevi  ad  vos  venturus  est,6)  cui  me  literas  daturum  promiseram:  postea  cavendum  putavi  ne  ei  per  meas  literas  ad  te  pateret  aditus*  Est  enim  inexplebilis  hominis  curiositas.  Utinam  non  simul  accederet  phrenetica  quaedam  protervia*  Optimo  Levero1)  et  reliquis  fratribus  Anglis  plurimam  salutem  precor.  Ioannes  Calvinus  tuus.  1995.  1)  N.  1967.  2)  deperditas.  3)  N.  1978.  1992.  4)  Cf.  Opp.  IX.  Proll.  pag.  oej.  5)  Commentarius  in  Harmoniam.  6)  Genevae  fuerat  Socinus  cf  N.  1973.  7)  N.  1970.