7:207  207  CONTRE  LA  SECTE  208  reigle  de  bien  vivre.  Car  la  nostre  Seigneur  nous  monstre  ce  qui  luy  est  plaisant,  et  ee  qu'il  approuve.  Ainsi  la  doctrine  de  la  loy  est  pour  nous  monstrer,  comment  nostre  vie  sera  conforme  a  la  volunte  de  Dieu.  Le  second  poinct  est,  la  rigueur:  d'autant  qu'elle  nous  denonce  que  quiconque  faudra  en  un  seul  poinct,  sera  maudict,  et  ne  promet  salut  sinon  a  ceux  qui  auront  parfaictement  observe  tous  ses  commandemens.  Pendant  que  ceste  rigueur  a  lieu,  nous  sommes  tous  forclos  d'esperance  de  vie,  et  sommes  enclos  soubz  ceste  condamnation  qu'elle  denonce.  l)  Car  il  ne  se  trouveroit  iamais  un  seul  homme  mortel,  qui  s'acquite  de  ce  qu'elle  requiert.  Ainsi  voila  tout  le  monde  desespere,  si  la  loy  avec  ses  dependances  a  auctorite  sur  nous.  Car  de  satisfaire  a  ce  qu'elle  requiert,  ii  n'est  possible.  D'eviter  la  condamnation,  non  plus.  [page  142]  Parquoy  il  ne  reste  plus  autre  remede  ,  sinon  d'estre  affranchis  d'une  telle  servitude.  Ceste  delivrance  nous  est  donnee  en  l'evangile,  quand  il  nous  est  dict  que  nous  ne  sommes  plus  soubz  la  loy.  Or  maintenant  le  debat  est:  que  ces  phrenetiques  entendent  par  ces  motz,  la  loy  estre  tellement  abolie,  qu'il  ne  soit  plus  question  de  regarder  a  ce  qu'elle  enseigne:  mais  la  laisser  dormir  comme  une  doctrine  ne  nous  appartenante  en  rien.  Or  que  l'intention  de  Dieu  et  le  sens  de  l'escriture  soit  tout  divers,  il  n'y  a  nulle  doute:  c'est  assavoir  que  la  doctrine  demeure  en  son  estat,  pour  conduire  au  droict  chemin:  seulement  que  la  malediction  est  ostee,  en  sorte  que,  deffaillans  par  infirmite,  nous  ne  laissons  pas  d'estre  agreables  a  Dieu,  et  ne  laisse2)  point  d'accepter  le  service  que  nous  luy  rendons,  combien  qu'il  soit  imparfaict:  d'autant  qu'il  nous  pardonne  le  deifaut  qui  est  en  nous.  Car  sainct  Paul,  apres  avoir  bien  traicte  en  l'epistre  aux  Romains  de  la  liberte  Chrestienne,  et  avoir  dict  [page  143]  que  nous  sommes  quittes  et  absoulz  de  la  subiection  de  la  loy,  nous  ramene  neantmoins  puis  apres  a  la  doctrine  d'icelle,  enseignant  qu'il  la  nous  convient  observer.  Comment  ces  choses  s'accordent  elles:  que  la  loy  ne  nous  tienne  plus  en  servitude,  et  que  sa  doctrine  ait  encor  lieu  pour  regir  nostre  vie?  Nous  voyons  clairement  que  ceste  liberte  n'est  sinon  quant  a  la  malediction  ou  a  la  rigueur.  Autant  en  faict  il  en  l'epistre  aux  Galates.  Car  apres  avoir  bien  exhorte  les  fideles,  de  se  maintenir  en  leur  liberte,  il  leur  commande  incontinent  apres,  de  garder  charite  pource  que  c'est  la  plenitude  de  la  loy  (Gal.  5,  1.  13).  Brief  il  n'y  a  epistre  ou  il  ne  renvoye  la  les  fideles,  comme  a  la  reigle  de  bien  vivre,  a  laquelle  1)  quam  omnibus  denunciat.  2)  qui  ne  laisse  1611.