52:207  207  EPIST.  PAULI  AD  THESSALONICENSES  II  208  Exhortationem  istam  merito  infert  ex  superioribus  :  quia  constantia  nostra  et  perseverandi  virtus  non  alia  re  quam  divinae  gratiae  fiducia  nititur.  Ubi  autem  Deus  ad  salutem,  quasi  porrecta  manu,  nos  vocat,  ubi  se  Christus  fruendum  offert  evangelii  doctrina,  ubi  spiritus  in  sigillum  et  arrham  vitae  aeternae  nobis  datus  est:  etiamsi  coelum  ruat,  non  tamen  nos  animis  labascere  oportet.  Itaque  Paulus  stare  Thessalonicenses  iubet,  non  stantibus  modo  aliis,  sed  magis  robusta  firmitudine:  ut  quum  viderint  fere  omnes  a  fide  excidere  plenaque  confusionis  esse  omnia,  nihilominus  in  statu  maneant.  Et  certe,  sic  nos  adversus  omnia  scandala  munire  debet  Dei  vocatio,  ut  ne  universalis  quidem  mundi  ruina  nostram  firmitudinem  concutiat,  nedum  evertat.  15.  Tenete  institutiones.  Quod  nonnulli  ad  praecepta  externae  politiae  restringunt,  mihi  non  placet:  modum  enim  standi  indicat.  Atqui  ad  inflexibile  robur  instrui,  res  longe  altior  est  externa  disciplina.  Quare  totam  doctrinam  (meo  iudicio)  hoc  nomine  complectitur:  ac  si  diceret,  habere  eos  in  quo  firmi  consistant,  si,  ut  erant  ab  eo  instituti,  pergant  in  sana  doctrina.1)  Non  nego  apte  vocari  TcapaSoaecc,  quae  fovendae  pacis  et  retinendi  ordinis  causa  ah  ecclesiis  statuuntur.  Et  sic  accipi  fateor  quum  de  humanis  traditionibus  agitur,  Matth.  15,  6.  Caeterum  Paulus  capite  proximo  traditionem  ponet  pro  regula  a  se  tradita.  Et  ipsa  verbi  significatio  generalis  est.  Contextus  autem  (ut  dixi)  postulat  ut  hic  sumatur  de  tota  doctrina  in  qua  instituti  fuerant.  De  re  enim  omnium  maxima  agitur,  ut  in  horribili  ecclesiae  concussione  stabilis  maneat  eorum  fides.  Inepti  autem  sunt  papistae  qui  hinc  suas  traditiones  servandas  esse  colligunt.  Sic  quidem  ratiocinantur,  si  Paulo  traditiones  mandare  licuit,  aliis  etiam  doctoribus  licere:  et  si  illas  servari  pium  fuit,  has  quoque  non  minus  servandas  esse.  Verum  ut  illis  concedam,  Paulum  de  praeceptis  ad  externum  ecclesiae  regimen  pertinentibus  loqui:  non  tamen  ab  eo  fabricata,  sed  divinitus  tradita  fuisse  dico.  Testatur  enim  alibi  (1.  Corin.  7,  35),  non  esse  sibi  propositum  conscientiis  laqueum  iniicere:  quemadmodum  nec  illi  nec  apostolis  omnibus  fas  fuit.  Magis  etiamnum  ridiculi  sunt,  dum  foetidam  superstitionum  suarum  colluviem  volunt  hoc  titulo  venditare,  ac  si  paulinae  essent  traditiones.  Sed  valeant  nugae  illae,  quando  sincerum  Pauli  sensum  tenemus.  Et  partim  ex  epistola  iudicium  fieri  potest,  quasnam  traditiones  commendet.  Dicit  enim,  s  i  v  e  per  sermonem:  hoc  est  conciones:  sive  per  epistolam.  Quid  autem  continent  epistolae,  nisi  puram  doctrinane,  quae  totum  papatum,  et  quae-  *)  Scio  rcapaSoaeig  peculiariter  vocari  a  Luca  apostolorum  decreta,  quae  tollendis  dissidiis  facta  fuerant.