51:207  207  EPIST.  PAULI  AD  EPHESIOS  208  quemadmodum  est  veritas  in  Iesu:  23.  ut  deponatis  secundum  pristinam  conversationem  veterem  hominem,  qui  corrumpitur  secundum  concupiscentias  erroris:  24.  renovemini  autem  spiritu  mentis  vestrae,  25.  et  induatis  novum  hominem^  qui  secundum  Deum  creatus  est,  in  iustitia  et  sanctitate  veritatis.  Nunc  antithesin  facit  vitae  christianae,  ut  inde  pateat  quam  indignum  sit  pio  homine,  indifferenter  se  polluere  gentium  sordibus.  Quia  in  tenebris  ambulant  gentes,  ideo  non  discernunt  inter  honestum  et  turpe  :  quibus  autem  lucet  Dei  veritas,  dissimiles  illis  esse  debent.  Quibus  vanitas  sensus  sui  vivendi  regula  est,  non  mirum  est  si  foedis  concupiscentiis  sint  impliciti:  at  Christi  doctrina  de  ingenii  nostri  abnegatione  praecipit.  Nihil  ergo  de  Christo  didicit,  qui  nihil  vita  ab  infidelibus  differt.  Neque  enim  a  mortificatione  carnis  separari  potest  Christi  cognitio.  Caeterum  ut  eorum  attentionem  et  studium  magis  acuat)  non  solum  dicit  audisse  Christum,  sed  gradatim  auget,  quod  in  ipso  quoque  edocti  fuerint.  Ac  si  diceret,  non  leviter  indicatam  fuisse  hanc  doctrinam,  sed  probe  traditam  et  expositam.  21.  Quemadmodum  est  veritas.  Hac  particula  perstringit  evanidam  evangelii  scientiam,  qua  plerique  frustra  sunt  inflati,  quum  nihil  de  vitae  novitate  teneant*  Putant  enim  illi  se  valde  sapere:  sed  apostolus  mendaci  et  imaginaria  tantum  opinione  imbutos  esse  docet.  Ita  duplicem  statuit  Christi  notitiam:  quarum  prior  sit  vera  et  genuina,  altera  vero  fucata  et  adulterina.  Non  quod  re  ipsa  duplex  sit.  Terum  quia  plerique  sibi  falso  persuadent  Christum  se  cognoscere,  qui  nihil  nisi  carnale  sapiunt.  Ergo  quemadmodum  in  secunda  ad  Corinthios  (5,  17)  dicit,  Si  quis  in  Christo,  ille  sit  nova  creatura:  ita  etiam  hic  verum  esse  et  sincerum  negat  quod  tenetur  de  Christo,  nisi  adsit  mortificatio  carnis.  22.  Ut  deponatis.  Requirit  in  homine  christiano  poenitentiam  aut  renovationem  vitae.  Eam  constituit  in  abnegatione  nostri,  et  spiritus  sancti  regeneratione.  A  priore  itaque  parte  incipit,  iubens  deponere  aut  exuere  hominem  veterem.  Translatione  hac  a  vestibus  sumpta  frequenter  utitur:  et  nos  rationem  alibi  attigimus.  Quid  etiam  per  veterem  hominem  intelligat,  tam  sexto  capite  ad  Romanos,  quam  aliis  locis  docuimus:  nempe  ingenium  quod  afferimus  ex  matris  utero.  Nam  in  personis  duabus,  Adae  scilicet  et  Christi,  duas  quasi  naturas  nobis  describit.  Quoniam  prius  ex  Adam  nascimur,  naturae  pravitas,  quam  ex  illo  contrahimus,  dicitur  vetus  homo:  quia  deinde  renascimur  in  Christo,  correctio  vitiosae  naturae  dicitur  homo  novus.  Summa,  qui  exuere  vult  hominem  veterem,  naturae  suae  renuntiet.  Qui  in  epithetis  veteris  et  novi  putant  apostolum  alludere  ad  vetus  et  novum