50:207  207  EPIST.  PAULI  AD  GALATAS  208  et  Amen:  quemadmodum  alibi  docet  idem  Paulus  (2.  Cor.  1,  17  s.)  7.  Cognoscite  ergo.  Vel  cognoscitis.  Nam  utrique  modo  convenit  graeca  terminatio  :  sed  quia  idem  manet  sensus,  parum  refert  utrum  legas,  nisi  quod  vetus  translatio,  quam  sequutus  sum,  plus  energiae  habet.  Eos  porro  dicit  esse  ex  fide,  qui  abdicata  operum  fiducia,  in  sola  Dei  promissione  acquiescunt.  Si  quis  roget  quo  autore  ita  exponamus  :  eodem  ipso.  Nam  ad  Romanos  ita  scribit:  Operanti  non  gratis  datur,  sed  redditur  merces.  Nullum  autem  opus  habenti  quum  nihil  debeatur,  imputatur  fides  in  iustitiam.  Ergo  esse  ex  fide  est  locare  suam  iustitiam  et  fiduciam  salutis  in  Dei  misericordia.  Tales  esse  filios  Abrahae,  infert  ex  superiore  sententia.  Nam  si  Abraham  fide  iustificatus  est:  quicunque  eius  filii  esse  volunt,  in  fide  simul  consistere  oportet.  Praeteriit  autem  quod  facile  subaudiebatur,  nemini  locum  patere  in  ecclesia,  qui  non  sit  Abrahae  filius.  8.  Scriptura  autem,  quia  praevidebat.  Quod  indefinite  dixerat,  nominatim  ad  Gentes  nunc  extendit:  erat  enim  res  nova  et  insolens,  gentium  vocatio.  Itaque  de  modo  dubitabatur,  quo  vocandae  essent.  Circumcisio  videbatur  requiri  et  observatio  legis:  alioqui  exclusas  esse  a  participatione  foederis.  Ostendit  autem  Paulus  contra,  fide  ipsas  pervenire  ad  benedictionem,  et  fide  inserendas  in  familiam  Abrahae.  Unde  id  probat?  quia  dictum  est:  In  te  b  e  n  e  d  i  c  e  n  t  u  r  ,  ete.  Haec  verba  procul  dubio  sonant,  instar  Abrahae  oportere  omnes  benedici:  nam  est  commune  exemplar,  imo  etiam  regula.  Ipse  autem  fide  consequutus  est  benedictionem:  ergo  eadem  est  omnium  ratio.  Magna  igitur  emphasis  subest  in  vocabulo  fidelis.  Perinde  enim  valet  ac  si  diceret,  non  cum  Abraham  circumciso,  vel  legis  operibus  praedito,  vel  Hebraeo,  vel  propria  dignitate  subnixo,  sed  sola  fide  adepto  benedictionem.  Nulla  enim  personae  qualitas  in  rationem  hic  venit,  sed  sola  fides.  Nomen  benedictionis  varie  accipitur  in  scriptura  :  sed  hic  pro  adoptione  capitur,  in  haereditatem  aeternae  vitae.  10.  Quicunque  enim  ex  operibus  legis  sunt,  sub  maledictione  sunt.  Scriptum  est  enim:  Maledictus  omnis,  qui  non  permanet  in  omnibus,  quae  scripta  sunt  in  libro  legis,  ut  faciat  ea.  l  l  .  Quod  autem  in  lege  nemo  iustificetur  apud  Deum,  patet,  quia  iustus  ex  fide  vivet.  12.  Lex  autem  non  est  ex  fide:  sed:  Qui  fecerit  haec  homo,  vivet  in  ipsis.  13.  Christus  nos  redemit  e  maledictione  legis,  factus  pro  nobis  maledictio  {scriptum  est  enim:  Maledictus  omnis  qui  pependerit  in  ligno),  14.  ut  in  gentes  benedictio  Abrahae  perveniat  per  Christum  Iesum:  quo  promissionem  spiritus  accipiamus  per  fidem.