5:207  PSYCHOPANNYCHIA.  non  consumit  coniuncta,  sed  dividit:  quum  origini  suae  utrumque  reddit.  Tertio  loco  afferunt,  quod  toties  dormire  legantur,  qui  mortui  sunt.  TTt  de  Stephano,  Obdormivit  in  Domino  (Act.  7,  CO).  Item,  Lazarus  noster  dormit  (Ioann.  11,  11).  Item,  Nolite  solliciti  esse  de  dormientibus  (1  Thess.  4,  13).  In  libris  vero  Regum  saepissime,  ut  vix  alia  phrasis  scripturae  sit  familiarior.  Maxime  vero  instant,  quum  arripiunt  sententiam  ex  libro  Iob  (14,  7  seqq.):  Lignum  habet  spem:  si  praecisum  fuerit,  rursum  virescit,  et  rami  eius  pullulant.  Homo  vero  ubi  mortuus  fuerit,  et  nudatus  atque  consumptus,  ubi  quaeso  est?  Quomodo  si  recedant  aquae  de  mari,  et  fluvius  vacuefactus  arescat:  sic  homo  quum  dormierit,  non  consurget,  nec  evigilabitur  de  somno  suo,  donec  atteratur  coelum.  Si  animae  ideo  vobis  dormire  credantur,  quia  mors  vocatur  dormitio:  primum,  anima  Christi  eodem  somno  correpta  est.  Sic  enim  in  persona  ipsius  loquitur  David  (Psal.  3,6):  Ego  dormivi,  et  somnum  cepi,  et  exsurrexi,  quia  Dominus  mecum  est.  Et  audit  ab  inimicis  sibi  insultantibus  verbum  iniquum:  Numquid  qui  dormit,  non  adiiciet  ut  resurgat  (Psal.  41,9)?  Si  autem  nihil  tam  humile  atque  abiectum  de  anima  Christi  suspicandum  est,  ut  disputatum  est  fusius,  nemo  ambigat,  quin  scriptura  externam  duntaxat  corporis  compositionem  spectaverit:  et  illud  dormire  ab  hominum  aspectu  duxerit.  Haec  enim  duo  promiscue  leguntur:  Dormivit  cum  patribus  suis:  et,  Appositus  est  patribus  suis.  Quum  anima  non  apponitur  animis  patrum,  sed  corpus  in  sepulcrum  patrum  deferatur.  Est  etiam  secundum  me,  quod  impiis  quoque  regibus  attribuit  Samuel  hanc  dormitionem  in  Regum  historia:  quod  idem  videre  est  in  posterioribus  libris  Regum,  et  libris  Paralipomenon.  Quum  auditis  dormire  impium  cogitatis  animae  somnum?  quae  peiorem  habere  carnificem  non  potest,  a  quo  torqueatur,  quam  malam  conscientiam.  Ubi  somnus  inter  tales  angustias?  Impii  enim  sicut  [fol.  29]  mare  fervens,  quod  quiescere  non  potest,  et  redundant  in  conculcationem  fluctus  eius  et  lutum.  ])  Non  est  pax  impiis,  dicit  Dominus  (Ies.  57,  21).  Et  tamen  David  quum  vellet  exprimere  conscientiae  aculeum  acerrime  pungentem:  Illumina,  inquit,  oculos  meos,  ne  unquam  obdormiam  in  mortem  (Psal.  13,  4).  |3cce  fauces  inferorum  miserum  obsident,  vis  peccati  exagitat,  et  tamen  dormit:  imo  vero  ideo  dormit,  quia  haec  patitur.  Hic  etiam  ad  prima  discendi  elementa  reiiciendi  sunt,  qui  necdum  didicerunt  κατὰ  συνεκδοχὴν  a  parte  interdum  totum  intelligi,  interdum  a  toto  1)  Quod  sic  vertit  Gallus:  se&  flots  regorgent  en  foulement  et  iettent  de  la  fange  et  des  ordures.  Gallasius  scripsit:  redundant  fluctus  eius  in  conculcationem  et  lutum.  Quem  deinde  caeteri  sequuti  sunt.