29:207  207  SERMON  CXCIX.  208  costez,  et  n'a  nulles  armes,  il  sera  tout  nud:  ainsi  en  est-il  de  nous,  sinon  que  Dieu  nous  munisse,  II  est  donc  appelle  nostre  bouclier  et  nostre  aide.  En  quoy  nous  sommes  advertis,  que  nous  ne  pouvons  pas  nous  secourir  de  nostre  vertu,  nous  n'avons  pas  aussi  les  moyens:  mais  il  faut  que  cela  vienne  de  Dieu.  Il  est  appelle  le  glaive  de  nostre  gloire.  Il  est  vray  que  les  hommes  se  glorifieront  assez  en  eux,  ils  se  flatteront,  et  se  persuaderont  ce  qui  n'est  pas:  mais  ici  nous  sommes  retirez  de  toutes  vaines  esperances  qui  nous  trompent  et  abusent,  afin  que  nous  apprenions  de  mettre  toute  nostre  gloire  en  Dieu,  et  conclure  que  nous  n'avons  autre  vertu  que  la  sienne,  par  laquelle  nous  puissions  estre  maintenus.  Or  la  dessus  Moyse  adiouste,  que  les  Iuifs  marcheront  sur  la  teste  de  leurs  ennemis,  ou  sur  toute  leur  excellence:  car  il  n'y  a  sinon  ce  mot  de  sommet,  le  plus  haut,  et  que  leurs  ennemis  les  flatteront  par  mensonge.  Car  ce  mot  de  Mentir  en  l'Escriture  saincte  se  prend  pour  faire  bonne  mine,  et  faire  de  la  chateinitte  par  force:  comme  il  est  dit  au  Pseaume  dixhuitiesme,  quand  il  est  parle  de  David,  que  Dieu  luy  donnera  de  grandes  victoires:  Tes  ennemis  te  mentiront.  Or  donc  voila  la  somme,  que  Dieu  sera  le  sauveur  de  son  peuple:  qu'encores  qu'il  ait  beaucoup  d'ennemis,  ils  ne  seront  point  pareils,  il  faudra  qu'en  la  fin  ils  se  confessent  les  plus  foibles:  ct  encores  qu'il  n'y  ait  que  feintise,  toutesfois  que  la  vertu  de  Dieu  se  monstrera  en  cela.  Or  suyvant  ceste  doctrine,  apprenons  en  premier  lieu  de  cognoistre  comme  nous  sommes  desnuez,  et  que  tout  nous  deffaut:  quand  nous  aurons  cogneu  cela,  humilions-nou8,  qu'il  n'y  ait  point  une  seule  goutte  de  hautesse  ou  de  folle  presomption  en  nous.  Et  cependant  cognoissons  que  Dieu  ne  permettra  point  que  nous  defaillions  en  rien  qui  soit:  car  si  nous  n'avons  n'espee  ne  bouclier,  il  nous  servira  de  tous  les  deux:  si  nous  sommes  en  danger  de  perdition,  il  est  nostre  salut:  si  nous  sommes  ici  plongez  en  beaucoup  de  miseres  avec  tout  le  genre  humain,  nous  serons  restaurez  par  sa  grace,  d'autant  qu'il  nous  a  choisis  pour  son  peuple.  Voila  ou  il  nous  faut  arrester.  Or  maintenant  nous  avons  un  recit  de  la  mort  de  Moyse,  comme  desia  il  en  avoit  este  parle  en  la  fin  du  trente  deuxiesme  chap.  Mais  cela  est  reitere,  que  Dieu  fit  venir  Moyse  en  la  montagne  de  Nebo,  qui  autrement  est  une  partie  de  la  montagne  d'Abarim.  Or  il  adiouste  puis  apres  Gay.  Il  est  vray  que  ce  mot  de  Gay  signifie  vallee:  nxais  nous  voyons  bien  que  c'estoit  une  portion  de  la  montagne,  selon  les  regards  divers:  et  cela  se  voit  en  beaucoup  de  lieux*  Moyse  donc  monte  selon  qu'il  luy  estoit  commande  de  Dieu,  et  la  il  regarde  toute  Ia  terre  qui  estoit  promise  en  heritage  a  la  lignee  d'Abraham,  iusques  a  la