27:207  207  SERMON  LXXXIV.  208  a  nos  prochains  qui  sont  disetteux  :  car  ce  sont  les  sacrifices  que  Dieu  demande  et  approuve.  Puis  qu'ainsi  est  donc,  notons  bien  que  si  un  homme  a  dequoy,  quand  il  se  nourrira  du  bien  qu'il  possede,  ce  n'est  pas  que  cependant  il  soit  exempte  d'en  faire  hommage  a  Dieu.  Et  en  quelle  sorte?  Qu'un  chacun  s'efforce  tant  qu'il  luy  sera  possible  d'aider  a,  ceux  qui  ont  faute  et  indigence  des  biens  de  ce  monde.  Voila  donc  le  vray  usage  que  nostre  Seigneur  nous  a  assigne  de  toutes  ses  creatures:  c'est  que  nous  luy  en  facions  offrande,  pour  declairer  que  nous  tenons  tout  de  luy.  Voila  a  quoy  se  sont  rapportees  les  premices  anciennes.  Et  auiourd'huy  il  faut  que  la  verite  encore  regne  entre  nous,  combien  que  la  ceremonie  n'y  soit  plus.  Apprenons  donc  de  tellement  nous  faire  du  bien,  que  nous  n'oublions  point  les  autres:  et  que  sur  tout  nous  ayons  en  memoire  que  nostre  ingratitude  polluera  nostre  boire  et  manger,  si  nous  ne  recognoissons  que  le  tout  nous  est  donne  de  Dieu.  Nous  oyons  ce  que  disoit  nostre  Seigneur  Iesus  Christ  a  ces  hypocrites,  que  mettoyent  grand'  peine  a  purifier  leurs  vaisseaux  qu'il  n'y  eust  nulle  macule:  Et  nettoyez  ce  qui  est  au  dedans  (dit-il).  Et  puis  il  adiouste,  qu'on  donne  aux  povres,  et  que  c'est  le  vray  moyen  de  purger:  qu'il  ne  faut  point  s'amuser  a  tant  de  menus  fatras,  comme  tousiours  le  monde  se  pense  iouer  avec  Dieu,  et  luy  voudra  bailler  des  hochettes  de  petits  enfans  pour  l'amuser:  tant  y  a  qu'on  ne  le  pourra  pas  abuser  ainsi.  Adyisons  donc,  suyvant  l'exhortation  de  Iesus  Christ,  si  nous  voulons  que  les  viandes  que  nous  prenons  soyent  sanctifiees,  que  Dieu  y  soit  honore,  et  que  nous  sentions  que  c'est  de  sa  pure  liberalite  que  nous  sommes  nourris.  Et  d'autant  que  nous  ne  luy  pouvons  apporter  ne  froid  ne  chaut,  qu'il  n'a  faute  de  rien,  que  nous  declarions  cela  envers  ses  povres:  car  ce  sont  les  procureurs  qu'il  nous  envoye  pour  recevoir  les  recognoissances  lque  nous  luy  faisons,  et  les  hommages  de  tous  ses  biens.  Voila  en  somme  ce  que  nous  avons  a  retenir  de  ce  mot.  Or  au  reste  ii  est  dit  que  quand  le  peuple  fera  ce  qui  est  droict  devant  Dieu,  et  iuste,  qu'il  sera  "benit,  luy,  ei  ses  enfans.  En  ceci  nous  sommes  tousiours  admonnestez,  que  pour  bien  reigler  nostre  vie,  il  ne  nous  faut  point  suyvre  nos  bonnes  intentions  qu'on  appelle:  mais  qu'il  nous  faut  escouter  ce  que  Dieu  nous  dit,  et  acquiescer  simplement  a  son  vouloir,  comme  il  sera  declaire  demain  plus  amplement  au  plaisir  de  Dieu.  Mais  encores  ici  Moyse,  comme  en  beaucoup  d'autres  passages,  advertit  le  peuple,  qu'il  ne  faut  point  qu'il  se  gouverne  a  sa  phantasie:  mais  que  Dieu  sur  tout  doit  estre  escoute.  Il  dit:  Quand  du  feras  ce  que  est  bon  et  iuste.  Et  devant  qui?  Sera-ce  devant  les  hommes?  Il  est  vray  que  nous  devons  cheminer  en  telle  sorte  que  nous