10.1:207  CONSILIA.  SI  OMNIS  DISCIPLINAE  STATUS  TOLERABILIS  NEGABITUR.  *)  Etiamsi  hactenus  tolerabilis  fuisset  dza%i%  quae  tibi  movit  hoc  certamen:  iam  tamen  eo  deducta  res  est,  ut  liberum  tibi  non  sit,  meo  iudicio,  ea  lege  manere,  ut  tam  gravibus  malis  nullum  adhibeatur  remedium.  Sed  quia  in  re  perplexa  adhuc  ambigis  quaenam  moderatio  tenenda  sit,  meamque  sententiam  audire  cupis,  sic  accipe.  Si  sacra  mysteria  profanare  nefas  est,  certe  quaecunque  occurrant  offendicula  ad  excusandum  sacrilegium  non  sufficient.  Quaerenda  igitur  definitio  est,  ex  qua  certo  statuere  liceat  quousque  pateat  ista  profanatio.  Porro  in  re  clara  et  obvia  non  est  tantopere  laborandum.  Nam  qui  passim  nulloque  delectu  vel  discrimine  quoslibet  admittit  ad  sacramenta,  quin  ea  profanet  non  dubito.  Fateor  quidem  nunquam  ita  purum  esse  usum  in  ecclesia,  qui  eorum  sanctitati  omni  ex  parte  respondeat:  et  nos  plus  satis  experimur  quam  procul  absit  nostra  ratio  a  munditie  quae  optanda  esset:  sed  aliud  est  sacros  thesauros  alienissimis  quibusque  prostituere,  quam  indignis  permittere,  qui  arceri  legitimo  iudicio  nequeunt.  Nimia  fuit  austeritas  in  veteribus.  Atqui  minus  reverentiae  deferri  sacris  nostris,  quam  scimus  olim  habitum  fuisse  impuris  superstitionibus,  plus  quam  indignum  est.  Ergo  nisi  inter  nos  vigeat  discrimen  aliquod,  ut  prohibeantur  qui  sine  crassa  Dei  iniuria  admitti  nequeunt,  pro  confesso  sumo  tam  baptismum  quam  coenam  profanari.  Fideiussor  enim  qui  recipiendus  sit  ab  ecclesia  alienus,  non  video.  Sed  pios  malorum  culpa  privari  iniustum  est.  Scio  ut  a  publica  excommunicatione  abhorruerit  Augustinus.  Nam  quum  vulgo  regnaret  tunc  in  Africa  ebrietas,  quadam  ad  Valerium  epistola  morbum  hunc  lentis  remediis  sanandum  potius  esse  existimat,  quam  excommunicatione,  quae  totam  eeclesiam  convellat  ac  dissipet.  Semper  tamen  videndum  est,  ne  fraeno  laxato  foveatur  peccandi  licentia.  Ego  ut  concedam  nimium  rigorem  esse  temperandum:  impunitas  tamen  nullo  modo  ferenda  est.  Nullam  ergo  esse  legem,  quae  coenae  et  baptismi  sanctitatem  custodiat,  ne  utrumque  mysterium  contemptui  et  ludibrio  expositum  sit,  remissio  est  minime  excusabilis.  Quod  excipis  nihil  privatim  tentandum  esse:  neque  etiam  hoc  mihi  probatur,  ut  pastor,  re  nondum  cognita,  se  officio  abdicet,  sponteque  deserat  stationem  suam:  verum  qui  sincero  aedificandi  studio  praeditus  erit,  hoc  saltem  testabitur  sibi  fas  non  esse,  ad  sacram  Christi  coenam  promiscue  admittere  qui  palam  se  canes  esse  ostendunt,  et  excusso  pudore,  quasi  ex  professo  contumeliam  irrogant  Dei  mysteriis.  Nec  1)  Epp.  et  Responsa  ed.  Gen.  p.  319,  Laus.  p.  660,  Hanov.  p.  742,  Chouet  p.  438,  Amst.  p.  200.