7:206  sainct  Iehan  est  autre.  A  cela  ie  respons  que  S.  Iehan  veut  bien  signifier,  que  depuis  qu'un  homme  est  regenere  le  peche  ne  regne  plus  en  luy.  Car  la  grace  de  l'esprit  de  Dieu  doit  estre  superieure  a  captiver  les  affections  charnelles.  Mais  cependant  si  nous  faut  il  tousiours  retenir  ce  poinct,  qu'un  homme  est  exempt  de  la  servitude  de  peche,  selon  la  mesure  de  grace  qu'il  a  receue,  qui  est  plus  en  [page  139]  l'un  et  moins  en  l'autre.  Mais  elle  n'est  pleine  en  nul  qui  soit.  Et  de  faict,  sainct  Iehan  n'a  que  faire  d'expositeur  :  veu  qu'il  se  declaire  assez,  quand  il  nou&  commande  a.  tous  de  prier  pour  la  remission  de  noz  pechez:  disant  que  si  quelque  un  se  faict  a  croire  de  n'avoir  plus  de  peche,  il  s'abuse,  et  veut  faire  Dieu  menteur  (1  Iehan  1,  8.  10).  Ce  que  i'ay  dict,  doit  bien  suffire  pour  monstrer  quelle  est  la  vraye  regeneration  des  enfans  de  Dieu,  et  quelle  est  leur  perfection  en  Rce  monde:  et  combien  sont  contraires  toutes  les  resveries  de  ces  malheureux  a  ce  que  l'Escriture  nous  enseigne  de  l'un  et  de  l'autre:  veu  qu'ilz  constituent  toute  la  sainctete  du  fidele,  en  une  ignorance  brutalle,  faisans  a  croire  que  c'est  l'estat  d'innocence,  de  se  gouverner  a  son  appetit:  et  songeans  que  l'homme  est  alors  parfaict,  quand  il  a  oblie  le  iugement  de  Dieu,  et  n'a  plus  de  regard  a  bien  n'a  mal,  sinon  que  tout  ce  qui  luy  vient  a  gre,  il  le  repute  bien.  CHAPITRE  XIX.  De  la  liberte  Chrestienne  ^  comment  la  prennent  les  Libertins  et  comment  au  contraire  l'Escriture  l'entend.  [page  140]  Suyvant  ce  beau  renouvellement  qu'ilz  nous  forgent,  ilz  estendent  puis  apres  la  liberte  Chrestienne,  pour  faire  tout  licite  a  l'homme,  sans  exception.  Et  de  faict,  puis  qu'un  homme  est  converty  en  beste,  pourquoy  n'auroit  il  conge  de  suyvre  son  affection  sensuelle?  Combien  qu'on  tient  les  autres  bestes  en  bride,  ou  on  les  enchaine,  ou  on  les  enferme.  Mais  ces  enragez  mettent  a  l'homme  la  bride  sur  le  col,  a  fin  qu'il  n'y  ait  rien  qui  le  retienne  ou  empesche  de  se  donner  du  bon  temps.  Pour  le  premier,  comme  ainsi  soit,  que  selon  l'Escriture  nous  soyons  affranchis  de  la  malediction  de  la  loy,  pour  n'estre  plus  subiectz  a  ceste  horrible  sentence,  ou  elle  denonce  que  Dieu  punira  tous  transgresseurs:  ces  phrenetiques  sans  aucune  distinction,  abolissent  toute  la  loy,  disans  qu'il  n'y  faut  plus  avoir  d'esgard,  pource  que  nous  en  sommes  [page  141]  affranchis.  I'expliqueray  ce  poinct  encor  plus  facilement.  Il  y  a  deux  choses  a  considerer  en  la  loy.  Assavoir,  la  doctrine,  qui  est  la