52:206  lium,  ut  illic  salutis  nostrae  quaeramus  certitudinem:  signa  vel  tesseras  electionis  ponit,  quae  ad  eius  fiduciam  sufficere  nobis  debent.  In  s  a  n  c  t  i  f  i  c  a  t  i  o  n  e  s  p  i  r  i  t  u  s  ,  inquit,  et  fide  v  e  r  i  t  a  t  i  s  .  Quod  duobus  modis  exponi  potest,  cum  sanctificatione,  vel,  per  sanctificationem.  Non  tamen  magni  refert  utrumvis  eligas:  quando  certum  est,  nihil  aliud  velle  Paulum,  quam  electioni  subiicere  propiora  signa,  quae  Ulam  per  se  incomprehensibilem  nobis  patefaciunt,  et  cum  ea  individuo  nexu  cohaerent.  Ergo  ut  sciamus  nos  a  Deo  electos  esse,  non  est  quod  sciscitemur  quid  ante  mundi  creationem  decreverit:  sed  in  nobis  reperiemus  legitimam  probationem,  si  nos  spiritu  suo  sanctificaverit,  si  in  fidem  evangelii  sui  illuminaverit.  Nam  et  evangelium  nobis  adoptionis  nostrae  testimonium  est,  et  spiritus  eam  obsignat:  et  qui  aguntur  Dei  spiritu,  filii  Dei  sunt  :  et  qui  fide  Christum  possidet,  is  habet  vitam  aeternam.  Haec  diligenter  notanda  sunt,  ne  praeterita  voluntatis  Dei  revelatione,  in  qua  acquiescere  nos  iubet,  eam  ex  arcano  eius  consilio  eruere  volentes  (a  cuius  inquisitione  nos  submovet)  in  profundum  labyrinthum  nos  ingurgitemu8.  Fide  ergo  evangelii,  et  spiritus  gratia,  qua  regenerati  sumus,  contentos  esse  nos  decet.  Atque  hinc  refellitur  eorum  improbitas  qui  electionem  Dei  praetextum  faciunt  omnis  nequitiae:  quando  Paulus1)  illam  cum  fide  et  regeneratione  sic  coniungit,  ut  non  aliunde  velit  eam  aestimari.  14.  Quo  vocavit  vos.  Idem  repetit,  licet  paulo  aliis  verbis.  Non  enim  vocantur  filii  Dei,  nisi  in  fidem  veritatis.  Sed  hic  Paulus  ostendere  voluit  quam  idoneus  sit  testis  ad  eam  rem  confirmandam,  cuius  minister  fuerat.  Itaque  se  veluti  sponsorem  constituit,  ne  dubitent  Thessalonicenses,  evangelium,  quod  ab  eo  edocti  erant,  salvificam  esse  Dei  vocem,  qua  excitentur  a  morte  et  a  Satanae  tyrannide  asserantur.  Evangelium  appellat  suum,  non  quasi  apud  se  natum:  sed  cuius  illi  mandata  praedicatio  fuerat.  Quod  addit,  in  acquisitionem,  vel  possessionem  gloriae  Christi:  tam  active  quam  passive  capi  potest:  vel  quod  vocati  sint,  ut  semel  communem  possideant  gloriam  cum  Christo:  vel  quod  eos  Christus  acquisierit  in  suam  gloriam.  Atque  ita  altera  erit  confirmationis  ratio,  quod  non  secus  eos  ac  propriam  haereditatem  tuebitur,  et  in  salute  eorum  asserenda  gloriae  suae  vindex  erit.  Qui  posterior  sensus  (meo  iudicio)  melius  convenit.  15.  Itaque,  fratres,  state,  et  tenete  institutiones  quas  didicistis  vel  per  sermonem,  vel  per  epistolam  nostram.  16.  Ipse  vero  Dominus  noster  Iesus  Christus,  et  Deus  ac  pater  noster,  qui  dilexit  nos,  et  dedit  consolationem  aeternam  et  spem  bonam  per  gratiam,  17.  consoletur  corda  vestra,  et  stabiliat  vos  in  omni  opere  et  sermone  bono.  *)  Petrus