51:206  retur  (quemadmodum  philosophi  errores  aliunde  contrahi  iudicant),  Paulus  radicem  esse  docet  in  caecitate  cordis.  Quo  significat  residere  in  ipsa  natura.  Prima  igitur  caecitas,  qua  occupatae  sunt  hominum  mentes,  peccati  originalis  est  poena  :  propterea  quod  Adam  post  suam  defectionem  vera  Dei  luce  privatus  est:  extra  quam  omnia  sunt  horribiles  tenebrae.  19.  Dolore  tangi  desierunt.  Postquam  de  naturalibus  vitiis  loquutus  est,  nunc  descendit  ad  extremum  omnium  malorum,  quod  homines  sibi  propriis  malefactis  accersunt:  nempe  quum  obstupefacti  et  exstincto  conscientiae  dolore,  ad  omnem  nequitiam  se  prostituunt.  Natura  corrupti  sumus  et  propensi  ad  malum,  imo  penitus  malo  addicti.  Qui  spiritu  Christi  destituuntur,  sibi  indulgent  laxantque  fraena.  Ita  fit  ut  iram  Dei  novis  subinde  offensis  in  se  provocent.  Dominus  tamen  stimulis  conscientiae  eos  pungit,  sed  nihil  moventur:  quin  potius  ad  omnes  monitiones  obdurescunt.  Tali  obstinatione  merentur  a  Deo  prorsus  reiici.  Huius  reiectionis  signum  est  indolentia  cuius  hic  fit  mentio:  dum  scilicet  is,  qui  peccando  Deum  offendit,  nullo  iudicii  metu  tangitur,  sed  secure  pergit,  ac  intrepide  se  oblectat,  sibique  placet  ac  blanditur:  imo  nullo  pudore  afficitur,  nullam  honoris  curam  habet.  Tormentum  malae  conscientiae,  quo  eam  cruciat  horror  divini  iudicii,  atrio  inferorum  conferri  potest.  Sed  talis  securitas  et  veternus  exitialis  est  gurges.  Quemadmodum  et  Solomon  dicit  (Prov.  18,  3),  Impius  quum  in  profundum  venerit,  contemnit.  Quare  non  immerito  Paulus  hoc  tanquam  horribile  divinae  ultionis  exemplum  in  medium  adducit,  quod  homines  a  Deo  relicti,  sopita  conscientia,  exstincto  divini  iudicii  timore,  amisso  denique  sensu,  tanquam  attoniti,  belluino  impetu  se  ad  omnem  turpitudinem  proiiciunt.  Non  est  hoc  quidem  universale  :  quia  multos  Deus  etiam  ex  reprobis  immensa  sua  bonitate  retinet,  ne  extrema  confusione  mundus  misceatur.  Inde  fit  ut  non  in  omnibus  tam  proiecta  libido,  tamque  effraenata  intemperies  appareat.  Verum  satis  est,  tale  speculum  in  aliquibus  conspicuum  esse:  ut  nos  quoque  terreamur,  nequid  simile  nobis  contingat.  Lasciviam  pro  petulantia  accipio,  qua  intemperanter  et  licentiose  exultat  caro  Dei  spiritu  non  coercita.  Immunditiem  pro  omne  genus  flagitiis.  Postremo  addit  cum  a  v  i  d  i  t  a  t  e  .  Verbum  graecum  saepe  avaritiam  significat:  et  ita  exponitur  hoc  loco  a  quibusdam,  sed  parum  congruenter.  Nam  quia  pravae  et  vitiosae  cupiditates  sunt  insatiabiles,  ideo  Paulus  comitem  illis  et  quasi  pedisequam  adiungit  aviditatem,  quae  moderationi  opponitur.  21.  Vos  autem  non  ita  didicistis  Christum:  22.  si  quidem  ipsum  audistis  et  in  ipso  estis  edocti,