5:206  Respondeant,  si  volent,  exuberasse,  non  quia  abundantiorem  vitam  dederit,  sed  quia  multa  peccata  deleverit:  quum  unicum  Adae  peccatum  nos  in  ruinam  detraxisset.  Hoc  ego  demum  postulabam.  Deinde,  quum  alibi  tradat,  aculeum  mortis  esse  peccatum  (1  Cor.  15,  56),  quid  habet  mors  quo  nos  pungat,  ubi  aculeus  mortis  retusus,  imo  consumptus  est?  Atqui  nihil  aliud  agit  multis  capitibus  epistolae  ad  Romanos,  quam  ut  plane  declaret,  peccatum  esse  penitus  abolitum,  ne  in  fideles  imperium  suum  exerceat.  Iam  vero  si  virtus  peccati  lex  est  (ibid.):  quum  occidunt  eos  qui  in  Christo  vivunt,  quid  aliud  quam  in  maledictionem  legis  eos  retrahunt,  quae  e  medio  sublata  est?  Quamobrem  confidenter  iactat  apostolus,  nullam  esse  damnationem  iis  qui  sunt  in  Christo  Iesu,  qui  non  secundum  carnem  ambulant,  sed  iuxta  spiritum  (Rom.  8,  1).  Scilicet  in  eos,  quos  apostolus  ab  omni  condemnatione  liberat,  gravissimam  sententiam  pronunciant:  Morte  moriemini.  Ubi  autem  gratia,  si  mors  adhuc  regnat  inter  electos  Dei?  Iam  (ut  ait  apostolus)  peccatum  quidem  regnavit  in  mortem:  gratia  vero  regnat  in  vitam  aeternam  (Rom.  5,  17):  quae  si  peccatum  superat,  nullum  morti  locum  relinquit.  Ergo,  quemadmodum  mors  per  Adam  ingressa  regnavit,  ita  nunc  per  Iesum  Christum  regnat  vita.  Scimus  autem  quod  Christus  excitatus  a  mortuis  iam  non  moritur*  mors  illi  ultra  non  dominabitur  (Rom.  6,  9).  Quod  enim  mortuus  fuit  peccato,  mortuus  fuit  semel:  quod  autem  vivit,  vivit  Deo.  Atque  hic  videre  est,  ut  suum  errorem  euo  ipsi  gladio  confodiant.  Dum  enim  poenam  peccati  mortem  esse  dicunt,  simul  profitentur  hominem,  si  lapsus  non  esset,  futurum  [fol.  28]  fuisse  immortalem.  Nam  et  quod  coepit,  aliquando  non  fuit:  et  quod  poenae  est,  non  est  naturae.  Contra  apostolus,  peccatum  absorberi  a  gratia  clamat  (Rom.  5,  21),  ut  adversus  electos  Dei  agere  amplius  non  possit.  Obtinemus  igitur,  electos  Dei  tales  nunc  esse,  qualis  fuerit  ante  peccatum  Adam."  Et  ut  ille  creatus  est  inexterminabilis,  ita  et  nunc  eos  esse,  qui  per  Christum  in  meliorem  naturam  recreati  sunt.  Neque  obstat  illud  apostoli:  Tunc  fiet  verbum:  absorpta  est  mors  in  victoria  (1  Cor.  15,  54).  Quando  Fieri,  pro  Impleri  dictum,  nemo  infitiari  potest.  Implebitur  enim  in  corpore,  quod  nunc  inchoatum  est  in  anima.  Vel  potius,  in  anima  simul  et  corpore  implebitur,  quod  in  anima  duntaxat  inchoatum  est.  Nam  et  mors  haec  communis,  qua  velut  communi  naturae  necessitate  omnes  defungimur,  magis  est  electis  naturalis  quidam  transitus  ad  summum  gradum  immortalitatis,  quam  aut  malum,  aut  poena:  atque,  ut  ait  Augustinus,  1)  nihil  aliud  quam  carnis  occasus,  qui  1)  De  discrimine  vitae  humanae  et  brut.  c.  43.