29:206  nous  avoit  donne  pour  remplir  nos  ventres,  et  que  rien  ne  nous  eust  defailli.  Ainsi  donc  quoy  qu'il  en  soit,  apprenons  d'invoquer  nostre  Dieu  :  si  nous  avons  nourriture,  cognoissons  que  ce  n'est  pas  pour  nous  y  fier,  mais  c'est  pour  cognoistre  que  quand  Dieu  nous  est  liberal,  qu'il  nous  faut  cognoistre  qu'il  a  desploye  ses  richesses,  d'autant  qu'il  a  le  soin  de  nostre  vie.  Et  quand  nous  n'aurons  point  provision  suffisante,  que  nous  recourions  a  luy,  sachant  qu'il  n'est  point  diminue:  et  encores  qu'il  ne  monstre  point  ses  largesses  a  veue  d'oeil  qu'il  a  dequoy  pour  substanter  les  siens:  que  nous  l'invoquions,  et  que  nous  prattiquions  ce  qui  nous  a  este  monstre  par  nostre  Seigneur  Iesus  Christ,  de  luy  demander  nostre  pain  ordinaire  de  iour  en  iour.  LE  NEUPIESME  SERMON  SUR  LE  CHAP.  XXXIII.  Y.  29,  XXXIV  Y.  1.6.  DU  MARDI  HE  DE  IUILLET  1556.  Entre  les  autres  propos,  qui  furent  hier  exposez,  il  resta  que  Moyse  remonstroit  au  peuple  d'Israel,  qu'il  n'y  avoit  pour  lors  nulle  nation  sur  la  terre  semblable  a  eux,  a  cause  qu'ils  estoyent  sauver  en  Dieu.  Et  ceci  est  bien  a  noter:  car  combien  que  Dieu  par  sa  vertu  et  sa  grace  conserve  toutes  ses  creatures,  si  est-ce  qu'il  veut  estre  cogneu  sauveur  de  son  peuple.  Quand  donc  nous  sommes  sauvez  en  luy,  c'est  un  privilege  qui  ne  se  peut  assez  exprimer  ni  magnifier.  Car  nous  ne  differons  point  d'avec  les  autres  pour  quelque  dignite  qui  soit  en  nous,  nous  n'avons  point  cela  d'heritage:  mais  il  nous  vient  de  la  bonte  gratuite  de  Dieu.  Et  ainsi,  toutes  fois  et  quantes  qu'il  nous  est  parle  de  nostre  salut,  cognoissons  d'ou  il  procede,  et  que  Dieu  nous  donne  ce  lustre.  Car  nous  ressemblons  a  toute  la  lignee  d'Adam:  quand  nous  serons  prisez  selon  nostre  nature,  nous  ne  vallons  pas  mieux  que  ceux  qui  sont  delaissez  de  Dieu  et  reiettez  du  tout.  Pourquoy  donc  nous  a-il  choisis,  sinon  par  sa  pure  bonte?  Yoila  ce  que  nous  avons  a  retenir  de  ce  passage  :  c'est  que  Dieu  veut  que  sa  grace  soit  tant  mieux  cogneue,  d'autant  que  le  salut  n'est  point  commun  en  general  a  tous  hommes,  mais  que  c'est  un  don  particulier.  Or  cependant  Moyse  declare  quel  est  ce  salut,  c'est  quand  Diou  est  nostre  bouclier  et  nostre  defense.  Comme  s'il  disoit,  que  sans  luy  nous  ne  pouvons  estre  maintenus:  car  nous  sommes  exposez  a  beaucoup  de  morts,  et  nous  n'avons  dequoy  resister.  C'est  comme  un  homme  qui  sera  assailli  de  tous