27:206  roide,  ne  si  courte  que  les  peres  anciens.  Voila  Dieu  qui  nous  premet  auiourd'huy  du  manger  du  sang  des  bestes:  ce  qui  n'a  point  este  ottroye  aux  Iuifs.  Nous  savons  ce  qui  en  est  mesmes  declaire  par  les  Apostres:  car  ils  n'ont  point  fait  un  decret,  comme  les  Papistes  l'entendent,  qu'ils  ayent  rien  change  en  la  parolle  de  Dieu,  c'eust  este  un  sacrilege.  Mais  les  Apostres  sachans  que  nostre  Seigneur  Iesus  Christ  avoit  aboli  la  Loy  ceremoniale  a  sa  venue,  ont  declaire  qu'il  seroit  licite  de  manger  du  sang,  voire,  excepte  le  scandale.  Car  quand  ils  l'ont  deifendu  en  ce  15.  des  Actes,  ce  n'a  este  sinon  pour  un  temps,  et  encores  ils  monstrent  qu'il  y  a  liberte  pour  chacun,  selon  la  conscience,  pour  nourrir  paix  et  concorde.  Ils  conseillent  bien  qu'on  s'abstienne  de  cela,  voire  pour  un  temps  (comme  i'ay  dit),  iusques  a,  ce  que  les  fideles  fussent  mieux  confermez  en  la  doctrine  de  l'Evangile.  Or  maintenant  appliquons  ceste  doctrine  a.  nostre  usage.  I'ay  desia  dit,  qu'en  premier  lieu  il  nous  faut  tousiours  tenir  bridez,  cognoissans  que  ce  qui  est  en  scandale,  ne  nous  est  point  permis.  Et  pourquoy?  Dieu  nous  oblige  les  uns  aux  autres:  mais  cependant  si  avons-nous  nos  consciences  a  delivre,  que  nous  savons  que  ce  qui  n'estoit  point  permis  aux  peres  anciens,  auiourd'huy  nous  est  en  liberte.  Par  cela  ne  devons-nous  pas  estre  tant  plus  esmeus  a  servir  Dieu,  lequel  se  monstre  si  liberal  envers  nous.  Car  si  nous  estions  sous  la  servitude  de  la  Loy,  il  nous  faudroit  abstenir  d'homicide,  voyant  que  le  sang  des  bestes  nous  seroit  deffendu.  Auiourd'huy  il  nous  est  permis  :  et  ainsi,  gardons  d'abuser  d'une  telle  bonte  de  nostre  Dieu:  et  d'autant  plus  qu'il  s'eslargit  envers  nous,  qu'un  chacun  pense  de  se  tenir  sous  son  obeissance  et  suiettion,  que  nous  ne  facions  point  des  chevaux  eschappez,  comme  on  dit.  Voila  en  somme  ce  que  nous  avons  a  noter  de  ce  passage.  Or  quant  aux  voeus  et  oblations  dont  Moyse  parle  tant,  retenons  ce  qui  a  este  declare  ci  dessus,  c'est  que  Dieu  n'a  point  voulu  que  son  peuple  beust  et  mangeast,  que  cependant  il  n'y  eust  quelque  tesmoignage  que  le  tout  procedoit  de  luy.  Comme  quand  auiourd'huy  il  nous  permettra  a  chacun  de  boire  et  de  manger  selon  sa  faculte  :  ce  n'est  pas  qu'il  ne  vueille  que  nous  ne  communiquions  a  nos  prochains,  et  que  par  aumosnes  nous  ne  declairions  que  nous  luy  faisons  hommage  de  ce  qu'il  nous  aura  donne  comme  appartenant  a  luy  seul.  Auiourd'huy  il  n'y  aura  pas  un  tel  ordre,  comme  il  a  este  sous  la  Loy  de  Moyse  touchant  les  oblations,  touchant  les  premices,  et  les  sacrifices:  mais  les  aumosnes  sont  sacrifices  agreables  a  Dieu:  comme  il  nous  est  monstre,  sur  tout  par  l'Apostre  en  l'Epistre  aux  Hebrieux.  Et  c'est  une  doctrine  assez  commune  en  l'Escriture  saincte:  mais  la  notamment  il  est  dit,  qu'il  ne  nous  faut  point  oublier  la  fraternite  que  nous  devons  avoir  pour  secourir