10.1:206  si  hodie  viverent,  quid  facerent,  aut  quo  se  antidoto  munirent,  quum  illo  adhuc  incorruption  saeculo  luxum  irrepentem  ferre  iam  non  possent.  Nam  ne  illo  quidem  antidoto  suae  posteritati  satis  caverunt.  Videmus  enim  quam  politi  incedant  multi  monachi,  ut  dicas  data  opera  vestem  albam  esse  luxuriae  instrumentum.  Ne  quis  dicat:  sine  iniuria  vestior  etc.  Pauperum  sanguinem  omnes  ferunt.  Unde  enim  reditus  beatulis  istis  nisi  ex  pauperibus  etc.  Praesertim  vero  advocati  illi  etc.  Dixit  propheta:  manus  vestrae  sanguine  plenae  sunt,  ego  vero  dicam  totum  corpus  infectum  esse  quod  talibus  induitur.  Dicent:  non  novum  est  exemplum.  Fateor.  Nunquam  enim  tam  bene  habuerunt  res  humanae  ut  pluribus  meliora  placerent.  Quanquam  veterum  luxuria  prae  ista  nequitia  parsimonia  dici  possit.  Redeat  in  memoriam  dira  illa  denunciatio  quae  de  diebus  Noe  loquitur.  Dicas  quosdam  secum  ferre  unguentarias  tabernas.  Non  bene  olet  qui  bene  semper  olet.  Non  omnes  modo  corporis  partes,  sed  vestes  quoque  ipsae  adulterae  sunt.  Non  gulae  serviunt  coenae  nostrae  sed  ambitioni.  Disputandum  contra  illud  Valerii  de  coena  Tuberonis:  Maiores  nostri  publice  magnifici,  privatim  parci  esse  voluerunt.  Nam  si  didicissent  privatam  parsimoniam,  non  affeetassent  publicam  luxuriam  :  nunc  vitia  domi  concepta  in  publicum  afferunt.  Plerosque  videre  est  qui  instar  Biantis  omnia  sua  secum  portant,  alios  etiam  plus  quam  habeant.  H  .  .  .  .  um  l)  ornatuum  solebat  esse  sollicitus  usus,  nunc  ad  augendam  luxuriam  contemptus  accedit.  Hoc  verbum  delicatorum  quousque  tandem?  Vestiarium  neutro  quem  apud  Senec.  fol.  354.  Quum  choreas  nostras  videris  dicas  istos  hilares  per  risum  furere.  Inoperto  capite  dixit  Sen.  proverbialiter  pro  eo  quod  est  sine  pudore.  Admonendi  ut  sint  nobis  aequiores.  Dantur  enim  vitiis  quae  ferre  non  possunt  facilia  remedia.  Quibusdam  summa  curarum  est  quid  edant,  quid  bibant,  quid  vestiantur.  De  honesto  speculi  usu  pauca  dicenda.  Quidquid  olim  muliebris  mundus  vocabatur,  sarcina  virilis  est  imo  etiam  militaris.  Taxanda  nostratium  fiKToxexvia.  August,  ep.  5.  Ex  vestra  abundantia  luxuriantur  histriones,  et  necessaria  non  habent  pauperes.  1)  vox  dubia.  Horum  (?)