9:205  205  AD  WESTPHALUM.  206  restrictione  interposita,  pudeat?  Sperandum  potius  erat  ut  dicerent,  nihil  hic  nisi  spirituale  esse  cogitandum.  Nunc  ita  omnes  eorum  sensus  occupat  quod  de  carne  somniarunt,  ut  a  praecipuo  regni  Christi  epitheto  abhorreant.  Quo  enim  evangelium  dicent  a  lege  differre,  nisi  quia  veterum  umbrarum  spiritualis  veritas  in  Christo  [pag.  188]  est  exhibita?  Quid  igitur  est  cur  tantopere  notam  hanc  reformident,  sine  qua  Christus  non  est  Christus?  Sed  haec  scilicet  iusta  est  eorum  merces,  qui  mala  conscientia  audacter  malam  causam  defendunt,  ut  intus  trepidi  se  ipsos  conficiant.  Nam  passim  animadvertent  lectores,  eos  ad  mysterii  vel  ad  mysticae  virtutis  nomen  non  minus  expavescere,  quam  molesta  illis  est  spiritualis  veritas.  Exemplum  quod  postea  de  baptismo  annectunt,  nobis  prorsus  suffragatur.  Baptismus  externa  est  lotio,  et  tamen  spirituale  est  lavacrum.  Sed  quam  scite  ad  coenam  applicant?  Non  est,  inquiunt,  corporalis  alimonia,  quum  tamen  externo  ore  corpus  Domini  sumatur.  Tanta  eos  palati,  gutturis  et  ventris  sollicitudo  tenet,  ut  coenam  non  audeant  spirituale  mysterium  vocare,  ne  dentes  eorum  effugiat  Christi  corpus.  Negant  se  spiritualem  intelligere,  ut  solummodo  quaedam  invisibilis  cogitatio  aut  phantasia  [pag.  189]  significetur:  aut  talis  spiritualis  manducatio,  qualem  Abraham  manducavit,  qui  nihil  scivit  de  hoc  sacramento.  Dicas  arabice  eos  data  opera  nescio  quid  susurrare,  ut  suos  discipulos  plus  satis  fatuos  magis  obstupefaciant.  Quid  enim  est  invisibilis  cogitatio?  quasi  visibilem  aliquam  proferre  liceat.  Phantasiam  illis  relinquimus:  quia  vera  et  vivifica  Christi  participatione  contenti  erratico  eorum  commento  opus  non  habemus,  quod  non  nisi  ad  ingluviem  replendam  facit.  Iam  quid  est  manducationem  manducare?  Dicere  forte  volunt,  quia  Abraham  externo  signo  caruit,  non  fuisse  Christi  participem.  Quo  nihil  indignius  vel  magis  praeposterum  fingi  potest.  Etsi  enim  abundantia  gratiae  nunc  excellimus,  hoc  tamen  sacramentis  omnibus  commune  fuit,  ut  fideles  omnes  Christo  insererent.  Undecimum  argumentum,  quod  vel  ignorantia  vel  malitia  male  contexunt,  ita  [pag.  190]  formamus:  De  coenae  mysterio  nihil  concipiendum  est,  nisi  quod  e  coelo  dictatur.  Paulus  Iudaeos  eundem  nobiscum  spiritualem  cibum  comedisse  dicens  interpretandi  causa  adiungit:  Petra  autem  erat  Christus.  Ergo  hoc  coeleste  oraculum  valere  debet,  panem  et  vinum  in  coena  nobis  esse  corpus  et  sanguinem  Domini,  ut  spiritualiter  illis  pascamur.  Mirantur  Magdeburgenses  tam  incaute  nos  crassis  et  inconvenientibus,  ut  loquuntur,  fundamentis  insistere:  quia  nobis  saepe  indicatum  est  Paulum  de  spirituali  petra  disserere.  Scio  quid  blaterare  soliti  sint:  sed  probatio  quaeritur.  Petra,  inquiunt,  Iudaeos  comitata  non  est  per  desertum.  Respondeo:  Suo  indicio