7:205  205  DES  LIBERTINS.  206  vray  qu'ilz  sont  empeschez  et  molestez  de  leur  chair:  mais  ilz  ne  la  suyvent  point,  pour  se  laisser  veincre  a  icelle.  Qu'ainsi  soit,  apres  que  sainct  Paul  a  dict  qu'il  ne  consentoit  point  au  mal,  il  ne  laisse  pas  de  se  reputer  malheureux  pour  la  captivite  ou  il  est.  Qui  plus  est,  il  nous  propose  en  sa  personne,  comme  une  image  vive  de  l'estat  des  regenerez:  disant  que  l'homme  fidele  est  comme  divise  en  deux  parties:  c'est  d'autant  qu'il  est  reforme  par  la  grace  de  Dieu,1)  qu'il  s'accorde  au  bien:  mais  entant  qu'il  a  encor  les  reliques  de  sa  nature,  qu'il  sent  une  contradiction:  tellement  que  ga  chair,  c'est  a  dire,  la  partie  qui  demeure  encor  en  luy  non  reformee  de  Dieu,  le  poulse  tout  au  rebours.  Si  on  demande  dont  vient  ceste  contradiction,  il  en  rend  la  raison,  disant  que  la  loy  est  spirituelle,  c'est  qu'elle  requiert  une  sainctete  parfaicte,  et  une  conscience  pure  et  entiere:  et  nous  au  contraire,  sommes  charnelz  (Rom.  7,  14).  Arrestons  [page  137]  nous  donc  a  ce  qu'il  conclud:  c'est  que  tous  fideles,  ceste  vie  durant,  obeissent  a  la  loy  de  Dieu,  entant  qu'ilz  sont  renouvelez  par  sa  grace:  mais  selon  la  chair  ilz  sont  subiectz  a  peche.  Ainsi  la  perfection  des  Chrestiens,  pour  le  dire  en  trois  motz,  est  que  sans  feintise  ilz  ayent  leur  affection  a  servir  Dieu:  qu'ilz  ne  soyent  point  de  cueur  double,  mais  qu'ilz  ayent  une  rondeur  entiere  :  tellement  qu'ilz  puissent  protester  que  leur  principal  desir  est  de  plaire  a  Dieu.  Cependant,  comme  dit  sainct  Augustin,2)  leur  plu&  grande  perfection  est,  de  recongnoistre  et  confesser  combien  ilz  son  imparfaictz,  et  de  confesser  tousiours  leurs  infirmitez  devant  Dieu.  Ces  phantastiques,  pour  approuver  leur  erreur,  s'arment  de  ceste  sentence  de  sainct  Iehan:  Que  celuy  qui  est  nay  de  Dieu  ne  peche  point  (1  Iehan  3,  9).  Or  ie  leur  concede  bien,  que  s'il  se  trouvoit  homme  du  tout  regenere,  qu'en  cestuy  la  il  n'y  auroit  point  de  peche.  Mais  le  tout  est  de  savoir,  si  la  regeneration  a  iamais  este  parfaicte  fpage  138]  en  homme  mortel.  Ie  dis  que  depuis  la  creation  du  monde,  il  n'y  en  a  pas  eu  un  seul  exemple.  Parquoy  les  parolles  de  sainct  Iehan  n'emportent  autre  chose,  sinon  que  l'homme  entant  qu'il  est  regenere  de  Dieu,  ne  peche  point:  mais  d'autant  que  cela  n'est  qu'en  partie,  cependant  que  nous  vivons  en  ce  monde,  ne  songeons  point  que  nous  soyons  ia  venus  au  but,  ou  nous  sommes  en  chemin.  Quelqu'un  repliquera,  qu'il  sembleroit  advis  que  ce  fust  chose  frustratoire,3)  de  prendre  en  tel  sens  les  parolles  de  sainct  Iehan.  Et  mesme  qu'il  appert  par  la  procedure,4)  que  l'intention  de  1)  per  verbum  Dei.  2)  an  22  livre  de  ]a  Cite  de  Dieu.  3)  supervacaneum.  4)  ex  ipso  contextu.