52:205  205  CAPUT  II.  206  13.  Nos  autem,  debemus.  Nunc  apertius  Thessalonicenses  a  reprobis  segregat,  ne  fides  eorum  futurae  defectionis  metu  titubet.  Quamquam  non  ipsis  tantum  consulere,  sed  etiam  posteris  voluit.  Nec  tantum  illos  confirmat,  ne  in  idem  ferantur  cum  mundo  praecipitium,  sed  hac  comparatione  gratiam  Dei  erga  eos  magis  commendat:  quod  quum  cernant  totum  fere  orbem  quasi  violenta  tempestate  simul  in  mortem  abripi,  ipsi  Dei  manu  in  quieto  et  firmo  vitae  statu  retineantur.  Ita  convenit  Dei  iudicia  in  reprobis  intueri,  ut  nobis  veluti  specula  sint  ad  considerandam  eius  erga  nos  misericordiam.  Sic  enim  statuendum  est,  quod  misere  cum  illis  non  perimus,  nonnisi  singulari  Dei  gratia  fieri.  Hac  ratione  d  i  l  e  c  t  o  s  a  Domino  vocat,  ut  melius  cogitent,  non  alia  se  causa  ab  illa  quasi  universali  mundi  clade  eripi,  nisi  quia  Deus  ilios  gratuito  amavit.  Sic  Moses  Iudaeos  monebat,  Non  ideo  tam  magnifice  extulit  vos  Deus,  quia  sitis  aliis  potentiores,  vel  maiore  numero:  sed  quia  patres  vestros  dilexit.  Deut.  7,  8.  Nam  quum  audimus  amoris  nomen,  protinus  in  mentem  venire  debet  illud  Iohannis:  non  quod  priores  dilexerimus  eum.  In  summa,  duo  hic  agit  Paulus  :  fidem  enim  confirmat,  ne  pii  metu  perculsi  deficiant:  et  eos  ad  gratitudinem  hortatur,  ut  pluris  Dei  erga  se  misericordiam  aestiment.  Elegit  vos.  Causam  exprimit  cur  non  eadem  omnes  ruina  involvat  et  opprimat,  quia  scilicet  quoscunque  elegit  Deus,  in  eos  nihil  potest  Satan  quin  salvi  fiant,  etiamsi  coelum  terrae  misceatur.  Varie  legitur  hic  locus.  Vetus  interpres  reddidit  primitias,  tanquam  graece  esset  anap^v.  Sed  quia  omnes  fere  graeci  codices  habent  an  apx^C,  hanc  potius  lectionem  sequutus  sum.  Si  quis  malit  primitias,  sensus  erit,  fideles  quasi  sepositos  esse  in  sacram  oblationem:  metaphora  a  vetere  legis  ritu  sumpta.  Teneamus  tamen  quod  magis  receptum  est,  nempe  quod  ab  initio  electos  esse  Thessalonicenses  dicat.  Quidam  exponunt,  quod  inter  primos  vocati  fuerant:  sed  hoc  alienum  est  a  sensu  Pauli,  nec  circumstantiae  loci  convenit.  Neque  enim  paucos  tantum,  qui  statim  ab  exordio  evangelii  ad  Christum  adducti  fuerint,  metu  liberat:  sed  haec  consolatio  pertinet  sine  exceptione  ad  omnes  Dei  electos.  Quod  ergo  dicit  ab  i  n  i  t  i  o  ,  significat  non  esse  periculum  ne  eorum  salutem,  quae  in  aeterna  Dei  electione  fundata  est,  evertat  quantumvis  turbulenta  rerum  mutatio.  Ac  si  diceret,  utcunque  omnia  misceat  Satan  in  mundo  et  confundat,  salus  vestra  tamen  in  tuto  reposita  est,  priusquam  crearetur  mundus.  Hic  ergo  verus  est  securitatis  portus,  quod  Deus,  qui  pridem  nos  elegit,  ab  omnibus  quae  nobis  impendent  malis  nos  eripiet.  Electi  enim  sumus  in  salutem:  tuti  ergo  erimus  ab  interitu.  Sed  quia  nostrum  non  est  penetrare  in  arcanum  Dei  consi-