51:205  205  CAPUT  IV.  206  erratur,  praesertim  in  priore  legis  tabula.  Quod  ad  secundam,  consentit  quidem  iudicium  nostrum  cum  Dei  regula,  in  ipsis  externis  factis:  sed  fons  ipse  malorum  omnium,  concupiscentia  scilicet,  nos  latet.  Deinde  notandum  est,  Paulum  non  de  naturali  modo  caecitate,  quae  nobis  est  insita  ab  utero,  loqui:  sed  pariter  complecti  magis  crassam  excaecationem,  qua  Deus.  priora  peccata  ulciscitur,  quemadmodum  videbimus.  Tantum  denique  ratione  et  intelligentia  pollent  homines,  ut  reddantur  coram  Deo  inexcusabiles.  Terum  quamdiu  sinuntur  ingenio  suo  vivere,  nihil  quam  errare,  labi  et  impingere  in  omnibus  tam  consiliis  quam  factis  possunt.  Hinc  etiam  apparet  quanti  aestimentur,  et  quo  in  pretio  sint  fictitii  cultus  apud  Deum,  quum  ex  abysso  vanitatis  et  labyrintho  ignorantiae  prodeant.  18.  Alienatae  a  vita  Dei.  Vita  Dei  bifariam  accipi  potest:  vel  quae  censetur  coram  Deo,  ut  gloria  Dei,  Iohannis  12,  43:  vel  quam  Deus  electis  suis  communicat  per  spiritum  regenerationis.  Utrovis  modo  sumas,  eadem  tamen  sententia  erit,  non  diversa.  Nam  communis  haec  vita  qua  sumus  homines,  nihil  aliud  est  quam  inane  simulacrum  vitae:  non  modo  quia  cito  praeterit,  sed  etiam  quod  animae  nostrae  vivendo  mortuae  sunt,  quum  Deo  non  adhaerent.  Sciamus  ergo,  in  hoc  mundo  tres  esse  vitae  gradus.  Nam  una  est  vita  universalis,  quae  motu  duntaxat  et  sensu  constat,  cuius  etiam  participes  sunt  bestiae.  Secunda  est  humana,  qua  sumus  filii  Adae.  Tertia  est  supernaturalis,  quam  soli  fideles  obtinent.  Atque  omnes  quidem  a  Deo  sunt,  ideoque  potest  unaquaeque  vita  Dei  nominari.  Nam  de  prima  habetur  Act.  17,  28,  in  Pauli  concione,  In  ipso  nos  sumus,  et  movemur,  et  vivimus.  Item  Psal.  104,  30,  Emitte  spiritum  tuum,  et  creabuntur:  et  renovabis  faciem  terrae.  De  secunda,  Iob  10,  12,  Vitam  dedisti  mihi:  et  visitatio  tua  custodivit  spiritum  meum.  Sed  per  excellentiam  regeneratio  fidelium  hic  nominatur  vita  Dei:  quoniam  tunc  proprie  vivit  Deus  in  nobis,  et  nos  fruimur  eius  vita,  quum  spiritu  suo  nos  gubernat.  Ab  hac  universos  mortales,  qui  non  sunt  in  Christo  novae  creaturae,  alienos  facit  Paulus.  Hinc  apparet  quam  misera  sit  nostra  conditio,  quamdiu  in  carne,  hoc  est  in  nobis,  manemus.  Hinc  etiam  aestimatio  fieri  potest  virtutum  omnium  moralium,  quas  vocant.  Quales  enim  actiones  producet  ea  vita,  quam  Dei  esse  Paulus  negat?  Ergo  ut  aliquid  boni  exire  a  nobis  incipiat,  necesse  est  primum  nos  per  Christi  gratiam  renovari.  Hoc  demum  verae  et  vitalis  (ut  ita  loquar)  vitae  initium  erit.  Et  notanda  est  ratio  quae  continuo  subiicitur,  p  r  o  p  t  e  r  ignorantiam,  inquit.  Nam  sicuti  Dei  cognitio  vera  animae  vita  est:  ita  exadverso  ignorantia  est  mors.  Ac  ne  eiusmodi  ignorantia  adventitium  malum  esse  crede-