5:205  PSYCHOPANNYCHIA.  est.  Tunc  muta  est,  quae  confiteri  non  potest  ad  salutem,  quod  crediderit  ad  iustitiam.  Surda  est,  quae  vivam  illam  vocem  non  audit.  Clauda  est,  imo  se  sustinere  non  potest,  ubi  non  habet  cui  dicat:  Tenuisti  manum  dexteram  meam,  et  in  voluntate  tua  deduxisti  me.  Nullo  denique  vitae  officio  fungitur.  Sic  enim  loquitur  propheta  (Bar.  3,  14),  quum  vult  ostendere  fontem  vitae  esse  apud  Deum:  Disce  ubi  sit  prudentia,  ubi  sit  virtus,  ubi  sit  intellectus,  ubi  sit  diuturnitas  vitae  et  victus,  ubi  sit  lumen  oculorum  et  pax.  Quid  ultra  ad  mortem  requiritis?  Et  ne  hic  aqua  nobis  haereat,  nobiscum  cogitemus,  qualem  vitam  nobis  attulerit  Christus:  et  succurret,  a  quo  genere  mortis  nos  redemerit.  Utrumque  nos  docet  apostolus  (Ephes.  5,  14):  Surge,  inquit,  qui  dormis,  et  exsurge  a  mortuis,  et  illuminabit  te  Christus.  Ubi  non  cinerem  alloquitur:  sed  eos  qui  involuti  peccatis  inferos  et  mortem  secum  ferunt.  Alibi  (Ephes.  2,  1;  Coloss.  2,  13):  Et  vos,  quum  essetis  mortui  peccatis,  convivificavit  vos  in  Christo,  donans  vobis  omnia  delicta.  Ergo  quemadmodum  apostolus  nos  mori  peccato  dicit,  dum  exstinguitur  concupiscentia  in  nobis  (Rom.  O,  2):  ita  et  Deo  morimur,  dum  viventi  concupiscentiae  nostrae  in  nobis  subiecti  sumus.  Imo  vero  (ut  uno  verbo  complectamur  quod  de  vidua  delitiante  ait)  viventes,  morimur  (1  Tim.  5,  6):  hoc  est,  immortales  sumus  ad  mortem.  Quia  licet  anima  sensum  suum  retineat,  tamen  mala  concupiscentia  quasi  stupor  quidam  est  mentis.  Iam  vero  qualis  qualis  erat  illa  animae  mors,  Christus  tamen  pro  nobis  ea  defunctus  est.  Quod  enim  prophetiis  [fol.  27]  promissum  erat,  de  eius  victoria  contra  mortem,  ipse  morte  sua  praestitit.  Prophetae  pronunciabant:  Praecipitabit  mortem  in  aeternum  (Ies.  25,  8).  Item,  Ero  mors  tua,  o  mors:  morsus  tuus,  o  inferne  (Os.  13,  14).  Item:  Ante  faciem  eius  ibit  mors  (Hab.  2,  5).  Apostoli  iam  facta  denunciant.  Destruxit  quidem  mortem:  illuminavit  autem  vitam  per  evangelium  (2  Tim.  1,  10).  Rursum:  Et  enim  si  per  unius  delictum  mors  regnavit  per  unum,  multo  magis  ii  qui  exuberantiam  gratiae  acceperunt,  per  vitam  regnabunt  in  Christo  (Rom,  5,  17).  Haec  fulgura,  non  verba,  si  possunt,  sustineant.  Quum  enim  ex  Adam  dicant  esse  mortem,  quod  fatemur,  non  quam  ipsi  fingunt,  sed  eam  quam  in  animam  cadere  nuper  docuimus,  nos  rursum  vitam  a  Christo:  quod  infitiari  non  possunt.  In  comparatione  Adae  et  Christi,  totius  controversiae  cardo  vertitur.  Concedant  primum  apostolo  necesse  est,  non  modo  instauratum  in  Christo  id  omne  quod  in  Adam  collapsum  fuerat,  sed  quanto  fuerit  effusior  gratiae  quam  peccati  virtus,  tanto  Christum  fuisse  potentiorem  in  restituendo,  quam  Adar  in  perdendo.  Palam  enim  praedicat,  non  esse  d(  ium  ut  peccatum:  sed  longe  exuberasse:  non  quidem  in  plures  homines,  sed  abundantius,  in  quibus  exuberavit.