30:205  205  IN  I.  LTB.  SAMUEL.  CAP.  XVII.  206  magna  regis  esse  promissa,  quibus  ad  certamen  possit  aliquis  commoveri,  nempe  multis  divitiis  a  rege  donandum  eum  qui  gigantem  illum  debellarit,  et  praeterea  filiam  regis  in  matrimonium  accepturum,  genernmque  regis  futurum.  Quae  in  castris  satis  nota  fuisse  videntur.  Sed  cui,  quaeso,  narrantur?  Nam  quis  Davidem  unquam  existimasset  tam  arduum  certamen  suscepturum?  Quare  verisimile  est  milites  ita  sese  mutuis  colloquiis  cohortatos  :  Ergone  iste  gigas  tantum  Ibraelitis  dedecus  inuret?  Nemone  uspiam  erit  qui  certamen  adversus  eum  suscipiat?  Mirum  sane  ni  fiat:  rex  enim  filiam  suam  promisit  praemium  illi  qui  Goliathum  certamine  singulari  probtrarit,  et  opes  ac  divitias  multas  largietur,  domumque  nobilitabit,  ut  tributis  et  vectigalibus  omnibus  sit  libera.  Nullusne  ad  tanta  praemia  sese  offeret?  Nemone  auxilium  in  tanta  difficultate  feret?  Nullusne  in  tanto  exercitu  reperietur  qui  singulari  certamine  cum  gigante  illo  congredi  audeat?  Denique  singuli  videntur  suis  commilitonibus  animos  facere  voluisse,  quos  ipsi  non  habebant,  quandoquidem  quisque  pro  se  periculum  fugiebat  et  aversabatur.  Neque  istud  mirum  videri  debet  quod  experientia  ipsa  comprobatur.  Nam  si  de  subeundis  periculis  aut  aliquo  munere  difficili  suscipiendo  agitur,  quisque  peritus  est  et  eloquens  in  aliis  ad  illud  adeundum  cohortandis,  neque  desunt  rationes  quibus  eos  impellant  :  Eia  agite  sodales,  non  tam  ardua  res  neque  tam  difficilis  quam  prae  se  fert.  Semel  arrodendum  fraenum  et  aliquid  audendum.  Si  praeda  facienda,  si  spes  aliqua  lucri  uspiam  apparet,  quis  non  etiam  vitae  suae  periculo  conatur  rem  aggredi?  Ecquis  vero  vir  fortis  tam  angustis  rebus  periculum  subire  refugiat?  Denique  nemo  non  est  eloquens  in  aliis  cohortandis:  sed  nemo  tamen  vult  subire  periculum,  nemo  non  appetit  quiescere  et  in  tuto  esse.  Pauci  reperiuntur  qui  rebus  difficilibus  vitam  profundere  parati  sint,  etsi  multi  valde  sint  eloquentes  in  rationibus  explicandis,  ob  quas  non  sit  ullum  vel  vitae  periculum  refugiendum.  Hunc  morem  licet  hoc  loco  nobis  tanquam  in  speculo  contemplari.  Nam  totis  castris  haec  fuisse  inter  milites  colloquia  videntur  :  Nemone  adversus  Goliathum  progredietur,  quum  tam  eximia  sint  a  rege  proposita  praemia!  Sed  interim  nemo  illorum  sese  offert,  singuli  sibi  timent  et  periculum  fugiunt.  Quamobrem  tanto  diligentius  haec  doctrina  est  meditanda,  quanto  gravius  peccatur  a  multis,  ut  Deum  precemur  ne  permittat,  aliis  animum  despondentibus  et  adire  pericula  recusantibus,  nos  segnescere  et  pavore  diffugere,  sed  quum  necessitas  flagitant  parati  simus  vel  vitae  dispendio  quaelibet  adire  pericula,  ut  officio  nostro  secundum  vocationem  nostram  fungamur.  Et  quo  magis  alios  deficere  viderimus  eo  magis  ad  faciendum  officium  incitemur,  neque  alio-