29:205  205  SUR  LE  DEUTER.  CHAP.  XXXIII.  206  execute  ce  qui  est  ici  declaire,  c'est  assavoir  que  nostre  oeil  soit  sur  la  terre  de  bled  et  de  vin,  et  qu'il  nous  faut  cognoistre  que  c'est  de  luy  que  nous  tenons  tout.  Or  ii  est  vray  que  nous  n'aurons  point  telle  abondance  que  nous  souhaiterons,  et  comme  nostre  chair  Pappette  :  mais  tant  y  a  (comme  desia  nous  avons  dit)  que  Dieu  monstre  qu'il  ne  met  point  les  siens  en  oubli:  et  combien  qu'il  leur  donne  petite  portion  et  maigre,  qu'il  y  a  dequoy  se  contenter,  d'autant  qu'ils  recoivent  nourriture  de  sa  main.  Qu'il  nous  suffise  donc,  cependant  que  nous  avons  a  passer  par  ce  monde,  qu'encores  Dieu  nous  y  veut  entretenir,  et  qu'il  monstre  par  cela  qu'il  nous  est  pere,  afin  que  nous  passions  outre,  et  que  nous  tendions  tousiours  a  cest  heritage  celeste,  ou  il  nous  veut  mener,  pour  nous  faire  iouyr  en  plenitude  et  en  perfection  de  ce  que  nous  n'appercevons  maintenant  qu'en  partie.  Voila  comme  nous  avons  a  pratiquer  ceste  doctrine.  Car  le  S.  Esprit  parlant  des  benedictions  temporelles  que  Dieu  envoye  aux  siens,  ne  les  veut  pas  retenir  la,  pour  dire:  Ne  cerchez  rien  plus  grand:  mais  a  l'opposite,  pource  que  nous  sommes  lasches  et  tardiis,  que  nous  ne  pourrions  marcher  un  pas  sans  tresbuscher,  sinon  que  nous  fussions  soustenus  de  Dieu:  et  sur  tout  nous  ne  pourrions  avoir  ceste  fermete  et  constance,  pour  dire;  Remettons-nous  entre  les  mains  de  nostre  Dieu,  tendons  a  luy:  et  en  passant  par  ce  monde  que  nous  n'y  soyons  point  retenus,  sachans  que  Dieu  ne  nous  provoit  point  de  toutes  nos  necessitez,  sinon  afin  que  nons  regardions  a  luy  :  c'est  (di-ie)  a  quelle  fin  se  doivent  rapporter  toutes  les  promesses,  ou  nostre  Seigneur  dit  qu'il  aura  le  soin  de  nostre  vie.  Faisons  donc  valloir  ceste  doctrine,  quand  il  est  dit  que  l'oeil  sera  sur  la  terre  de  bled  et  de  vin,  II  est  vray  que  nous  serons  menacez  de  beaucoup  de  necessitez,  que  nous  pourrons  tousiours  estre  en  angoisse:  mais  tant  y  a  qu'en  regardant  a  ia  benediction  de  Dieu,  novis  espererons  qu'il  nous  conduira  iusques  en  la  fin,  et  qu'il  nous  fera  sentir  qu'il  a  des  biens  a  suffisance  pour  substanter  ceux  qui  sont  de  sa  famille:  voire  les  substanter  tellement,  que  parmi  l'abondance  qu'il  leur  donnera,  aussi  il  leur  monstrera  qu'il  les  peut  nourrir  quasi  d'un  rien.  Car  quand  Dieu  donne  abondance  et  fertilite,  la  nous  voyons  qu'il  desploye  ses  thresors  (ainsi  qu'il  en  a  este  traitte  ci  dessus)  qu'il  mettra  en  avant  les  thresors  qui  sont  comme  cachez  sous  la  terre:  mais  quand  nous  avons  une  annee  bien  maigre,  et  qu'il  semble  qu'elle  ne  soit  point  pour  nourrir  un  povre  peuple  a  moitie:  si  nostre  Seigneur  fait  valloir  cela,  et  que  nous  passions  iusques  au  bout,  en  la  fin  nous  cognoissons  que  nostre  Seigneur  nous  aura  proveu,  et  qu'il  a  monstre  une  providence  beaucoup  plus  admirable  que  s'il