27:205  205  SUR  LE  DEUTER  CHAP.  XII.  206  sacrifice,  pour  testifier  que  la  terre  seroit  comme  pollue,  n'estoit  que  Dieu  punist  une  telle  offense,  encores  que  l'autheur  du  meurtre  ne  se  trouve  point.  Et  que  sera-ce  donc  quand  nos  mains  seront  sanglantes,  et  que  l'homicide  sera  cogneu,  et  que  nous  serons  pleins  de  cruaute  contre  nos  freres?  Pensonsnous  eschapper  impunis  de  la  main  du  iuge,  quand  il  a  prononce  une  telle  sentence?  Et  mesmes  encores  qu'il  se  commette  des  tueries  en  guerre,  combien  que  cela  soit  permis,  quand  la  guerre  sera  iuste:  si  estce  qu'encores  il  y  a  une  espece  de  pollution  (dit  l'Escriture)  afin  que  les  hommes,  quand  ils  seront  contraints  mesmes  pour  maintenir  une  iuste  querelle,  de  tuer  leurs  ennemis,  qu'ils  cognoissent  :  Helas  !  il  faut  que  ie  defface  ici  les  creatures  qui  sont  formees  a  l'image  de  Dieu:  et  qu'ils  ayent  crainte  et  horreur  de  cela.  Ainsi  donc  notons  que  sur  toutes  choses  Dieu  veut  que  nous  vivions  paisiblement  les  uns  avec  les  autres  sans  faire  tort  ni  violence  a  nul  qui  soit.  Or  il  est  vray  que  les  meurtres  sur  tout  sont  execrables  a  Dieu  :  mais  cependant  notons  que  toutes  violences  par  ce  moyen  sont  aussi  deffendues.  Et  c'est-ce  que  le  Prophete  Isaie  reprochoit  aux  Iuifs,  que  leurs  mains  estoyent  sanglantes.  Ce  n'est  pas  qu'ils  eussent  brigande  par  les  champs,  qu'ils  eussent  battu  ni  frappe,  tellement  qu'on  leur  peust  faire  leur  proces  devant  les  iuges  terriens:  mais  c'estoit  pour  les  pillages,  et  les  rapines  quils  faisoyent,  et  qu'ils  avoyent  devore  iniustement  la  sustance  d'autruy.  Quand  donc  il  n'y  aura  point  de  meurtres  manifestes,  et  qui  soyent  condamnez  par  la  iustice:  Dieu  pour  cela  ne  se  tient  point  content,  sinon  que  nous  soyons  purs  de  toutes  rapines,  de  toutes  iniures,  et  que  nous  ayons  vescu  avec  nos  prochains  en  telle  equite,  que  nous  n'ayons  attente  sur  autruy,  sinon  ce  que  nous  voulons  qu'on  nous  face.  Qui  plus  est,  nous  avons  a  noter  ce  que  dit  S.  Iehan  en  sa  Canonique:  Que  celuy  qui  hayra  son  prochain,  voire  en  son  coeur,  que  celuy-la  est  desia  meurtrier  devant  Dieu.  Encores  que  ceste  haine  ne  soit  point  cogneue,  que  nous  ne  donnions  nul  signe  aux  hommes  d'estre  transportez  d'appetit  de  vengeance,  pour  faire  quelque  tort:  encores  que  cela  ne  soit  point,  et  que  nostre  malice  soit  cachee  devant  les  hommes  :  nous  sommes  coulpables  de  meurtre  devaut  Dieu,  si  nous  avons  quelque  aigreur  la  dedans.  Car  ce  seroit  donner  lieu  a  Satan,  comme  S.  Paul  en  parle,  quand  il  nous  exhorte  que  le  soleil  ne  se  doit  point  coucher  sur  nostre  cholere.  Il  dit  que  celuy  qui  a  ainsi  le  coeur  infecte  de  haine  ou  rancune,  donne  possession  a  Satan,  afin  qu'il  domine  en  luy.  Voila  donc  ce  que  nous  avons  a  retenir.  Or  i'ay  desia  dit  que  l'usage  de  ceste  ceremonie  a  cesse  a  la  venue  de  nostre  Seigneur  Iesus  Christ:  et  d'autant  plus  devons-nous  estre  incitez  a  servir  Dieu,  quand  nous  voyons  qu'il  ne  nous  tient  point  en  bride  si