10.1:205  CONSILIA.  colendo  corpore  tantopere  laborant,  de  animae  cultu  parum  esse  sollicitos.  Hi  non  enervati  mollitia  sed  castrati.  Ridiculum  est  hos  captare  vulgi  admirationem  ex  magnis  vestium,  aedium,  coenarum  sumptibus,  quum  eorum  sordes  vestitae  in  illis  partibus  emineant.  Sunt  enim  in  omnes  sordidi  ut  aliquid  supersit  unde  sint  erga  se  liberales,  aut  potius  profusi  Alii  coenant  frugaliter  ut  luxuriose  aedificent,  alii  ex  aedium  supellectili  detrahunt  quod  in  ornatum  corporis  conferant.  In  vitia  alter  alteium  trudimus  et  quum  nobis  simus  vicissim  mali  causa,  consuetudinem  et  multitudinis  exempla  praetendimus.  Bona  pars  saeculum  excusat,  alii  locum.  Sic  vivitur.  Quid  agerem?  Coniurarem  adversus  publicos  mores.  Bellum  indicerem  et  patriae  et  saeculo.  Audio:  sed  respondeo:  An  qui  in  urbis  peste,  ideo  minus  moritur?  Hannibalem  bello  invictum  fregit  Oampania.  Loquendum  de  funebribus  pompis,  quod  nostras  delitias  post  mortem  producimus  et  quod  non  possumus  nobis  dare  damus  cadaveri  non  sensuro,  quasi  aliqua  inde  voluptas  ad  nos  reditura  sit.  Quotusquisque  ex  istis  est  cui  si  vestem  detraxeris  aut  eapillitium,  non  membra  sua  avelli  a  se  existimet,  ut  iam  sibi  non  idem  videatur?  Haec  mangonum  ars  est  aliquo  lenocinio  vitia  abscondere.  Singulorum  vitia  publicum  errorem  faciunt:  tum  publicus  error  singulorum  vitia.  Qui  sordida  veste  erubescit  pretiosa  gloriabitur.  Nunc  ad  luxuriam  pertinet  quot  quisque  ducat  equos.  At  Cato  uno  contentus  fuit.  Vide  Senec.  ep.  88.  Parcam  tamen  eorum  auribus.  Verum  singuli  non  audient  quia  nolunt.  Modo  hoc  rursum  obtineam  ut  publice  audiant.  Potius  humana  omnia  ac  divina  permisceant,  potius  iura  omnia  perrumpant,  quam  non  serviant  summae  luxuriae.  Ne  exempla  longe  nobis  petenda  sint.  Vidimus  nuper  in  Genuens.  O  si  aliquando  in  templis  et  in  publico  consecretur  paupertas  ne  posthac  pudeat  eam  privatim  admittere.  Vide  Senec.  fol.  211.  Senec,  de  brevi  t.  vitae  pag.  374  contra  cappas  etc.  Inscripsero  Deum  sceleri  et  prosequi  hunc  locum  contra  consuetudinem.  Si  cum  hominibus  bene  ageretur,  consuetudo  vivendi  a  bonis  petenda  erat.  Nunc  quum  mihi  publicus  vitiorum  consensus  obiicitur,  quid  aliud  iactatur  quam  nos  in  id  tempus  incidisse  quo  inter  iam  corruptos  homines  sancte  honesteque  agere  non  liceat.  Contra  caesariem  virorum.  Est  gloria  Christi.  Hanc  audes  inducere  tuis  fucis.  An  non  id  sacrilegium  est?  Haec  forte  luxus  perversitas  veteres  anachoritas  adduxit  ut  sibi  certam  humilioris  vestitus  formam  praescriberent,  quo  se  abdicarent  communi  omnium  cupiditate.  Deinde,  ut  fere  bene  restituta  in  vitium  labuntur,  factum  est  ut  monachi  ex  cucullis,  cappis,  capitiis  et  huiusmodi  nugis  sanctitatem  quaererent,  aut  certe  sanctimoniae  opinionem.  Illi,  inquam,  anachoritae