9:204  bebat.  Quorsum  enim  vel  ad  quos  verba  direxit  Christus?  An  ut  inutiliter  evanescerent?  Et  quid  apertius  est  quam  pane  ante  oculos  oblato  docuisse  carnem  suam  ["pag.  185]  spiritualem  esse  cibum?  Eant  nunc  et  suo  errore  itav  se  fascinatos  esse  negent,  ut  quod  pueris  in  catechismo  traditur,  veterani  theologi  non  teneant.  Nonum  argumentum  est,  quum  plus  quadragies  arca  foederis  vocetur  Dei  praesentia,  non  esse  mirum  si  eadem  ratione  panis  vocetur  corpus.  Negant  antecedens  :  quasi  negando  non  palam  augeant  suum  dedecus.  Quoties  dicitur  in  lege:  Non  venies  in  conspectum  Dei  vacuus  ;  item  :  Ubi  apparueris  coram  facie  Dei  tui  ;  item  :  Deus  qui  habitas  in  sanctuario  ;  item:  Deus  sedens  inter  Cherubim,  Dei  praesentiam  notari  necesse  est  concedant.  Si  de  verbis  contenditur,  nihil  in  coena  reperietur  magis  substantivum,l)  quam  illic.  Si  in  omnibus  legis  testimoniis  est  figura,  cur  in  loco  simili  eam  admittere  gravantur?  Non  propriissime,  inquiunt,  arca  sic  vocatur,  sed  res  melior  quae  per  verbum  Dei  erat  arcae  adiuncta,  [pag.  L86]  Arguta  solutio:  sed  qua  laqueum  sibi  induunt.  Ipsis  enim  autoribus  iam  dico  improprie  panem  vocari  corpus,  quia  notatur  res  melior  ei  adiuncta  per  Dei  verbum.  Decimum  argumentum  sumptum  est  ex  comparatione  man  cum  coena.  Respondent  res  esse  dissimiles:  quia  man  non  fuit  sacramentum.  Fallit  ergo  Paulus  patres  nobis  hac  in  parte  similes  faciens,  quod  cibum  spiritualem  manducaverint.  Quomodo  enim  spiritualis  fuisset  cibus  absque  mysterio?  Imo  quomodo  spiritualis,  nisi  quatenus  in-  mysterio  Christum  repraesentabat?  Addunt  postea,  manna  fuisse  cibum  pascendo  ventri:  quod  vero  spirituale  quiddam  postea  notaret,  non  fuisse  principale.  Mihi  vero  satis  est  quatenus  manna  sacrum  erat  Christi  symbolum,  spiritualem  fuisse  cibum  patribus,  et  eundem  cum  eo  qui  hodie  nobis  a  Christo  proponitur.  Nam  inde  continuo  inferam,  perverse  facere  qui  alium  hodie  spiritualem  cibum  in  [pag.  187]  sacra  Christi  mensa  imaginantur,  quamvis  alia  sit  edendi  ratio,  prout  scilicet  conditio  patrum  inferior  fuit  nostra.  Sed  in  sententia  quae  mox  subiicitur  non  vulgari  attentione  opus  est:  non  dicam  Turcas,  Sarracenos,  Bacchi  denique  et  Cereris  cultores  magis  honorifice  de  sacris  suis  loqui,  sed  vix  homini  phrenetico  tale  et  tam  profanum  delirium  excideret,  2)  quale  Magdeburgenses  instar  oraculi  eructant.  Non  negamus,  inquiunt,  eucharistiam  et  alia  sacramenta  quadam  ratione  spiritualia  esse.  Huccine  ventum  est  ut  mysteria  salutis  nostrae,  quae  nos  a  terris  supra  coelos  evehunt,  spiritualia  vocare,  nisi  1)  Add.  ou  qui  demonstre  mieux  ce  que  la  chose  est  proprement.  2)  qui  osast  desbagouier  une  telle  resverie.