7:204  monde,  pour  nous  entretenir  en  nostre  vocation.  Quant  a,  l'innocence  parfaicte,  qu'ilz  imaginent,  faisans  a  croire  que  l'homme  regenere  est  exempt  et  pur  de  tout  peche,  et  que  la  regeneration  est  comme  un  estat  angelique  auquel  l'homme  ne  puisse  mal  faire:  si  ainsi  estoit,  que  deviendroit  l'oraison  que  nostre  Seigneur  nous  a  enseigne  de  faire:  c'est  que  Dieu  nous  pardonne  noz  fautes?  Cela  n'est  pas  pour  les  infideles.  Mais  tous  ceux  qui  sont  [page  134]  enfans  de  Dieu  doyvent  ainsi  prier,  selon  la  reigle  de  Iesus  Christ  (Matth.  6,  12).  Ceste  priere  contient  une  protestation,  que  tous  fideles  sont  pecheurs.  Quiconque  ne  veut  estre  de  ce  ranc,  s'exclud  du  nombre  des  enfans  de  Dieu.  Pour  en  avoir  exemple  particulier,  pourra  on  nommer  homme  mortel  si  parfaict  que  S.  Paul,  ne  d'une  sainctete  tant  excellente?  Or  il  confesse,  que  sa  vie  durant,  il  avoit  tousiours  a  batailler  contre  le  peche  habitant  en  soy:  et  qu'estaut  empesche  par  son  infirmite,  il  ne  faisoit  pas  le  bien  qu'il  eust  voulu.  Et  en  la  fin,  pour  conclusion  finalle,  il  s'escrie:  Malheureux  homme  qui  me  delivrera  de  ce  corps  de  mort  (Rom.  7,  18.  24)?  Enquoy  il  signifie  qu'il  n'y  a  autre  moyen  de  le  mettre  en  estat  de  perfection,  et  le  retirer  de  la  seryitude  de  peche,  qu'en  sortant  de  son  corps,  ou  il  estoit  detenu  captif  comme  en  une  prison  (2  Cor.  5,  6.  8;  Phil.  1,  23).  Il  est  vray  que  ces  gaudisseurs,  en  depravant  ce  que  sainct  Paul  traicte  la,  ont  un  terme,  disant,  quand  on  les  reprend  de  leurs  malefices,  que  ce  ne  sont  [page  135]  ilz  pas,  mais  que  c'est  baudet.  1)  Combien  que  cela  ne  convienne  pas  avec  ce  que  ilz  disent  de  l'estat  parfaict  des  Chrestiens,  et  qu'il  y  a  repugnance  manifeste  en  leurs  propos:  neantmoins  encor  est-ce  un  vilain  blaspheme  et  execrable,  de  faire  ainsi  un  bouclier  de  leur  baudet,  pour  s'excuser  du  mal.  Car  quand  sainct  Paul  dict:  Ce  ne  suis-ie  pas  qui  fay  le  mal,  mais  le  peche  qui  habite  en  moy,  ce  ne  est  pas  pour  se  iustifier  ou  pour  reiecter  ailleurs  la  coulpe  de  ses  vices  en  se  truffant:  2)  mais  seulement  il  veut  monstrer  que  sa  principale  affection  seroit,  de  se  conformer  du  tout  a  la  volunte  de  Dieu:  et  ainsi  que  s'il  y  a  a  redire,  cela  ne  vient  pas  qu'il  soit  adonne  au  mal:  mais  que  par  l'infirmite  de  sa  chair,  il  est  transporte,  en  sorte  qu'il  ne  peut  servir  a  Dieu  si  entierement  qu'il  voudroit.  Selon  qu'il  dict  apres,  que  ceux  qui  sont  enfans  de  Dieu,  doyvent  estre  conduictz  par  son  esprit,  a  fin  de  ne  point  cheminer  selon  la  chair  (Rom.  8,  1).  Or  il  est  bien  certain,  que  le  peche  habite  aux  enfans  de  [page  136]  Dieu,  pendant  qu'ilz  sont  en  ce  monde,  mais  il  ny  regne  pas.  Il  est  1)  certo  proverbio  utuntur:  se  illa  minime  admisisse,  sed  asinum.  2)  iocando.