6:204  blable  a  luy.  Et  nostre  Seigneur  fit  tomber  un  gros  sommeil  sur  Adam,  et  ainsi  qu'Adam  dormoit,  Dieu  print  une  des  costes  d'iceluy  et  en  forma  Eve:  donnant  entendre,l)  que  l'homme  et  la  femme  ne  sont  qu'un  corps,  une  chair,  et  un  sang.  Parquoy  l'homme  laisse  pere  et  mere,  et  est  adherant  a  sa  femme:  laquelle  il  doit  aimer,  ainsi  que  Iesus  aime  son  Eglise,  c'est  a.  dire  les  vrais  fideles  et  Chrestiens,  pour  lesquelz  il  est  mort.  Et  aussi  la  femme  doit  servir  et  obeir  a  son  mary  en  toute  sainctete  et  honnestete.  Car  elle  est  subiecte,  et  en  la  puissance  du  mary,  tant  qu'elle  vit  avec  luy  (Gen.  1  et  2;  Matth.  19,  5;  Ephes.  5,  28  s.;  Col.  3,  18;  1  Tim.  2,  12).  Et  ce  sainct  Mariage  honnorable,2)  institue  de  Dieu  (Hebr.  13,  4),  est  de  telle  vertu,  que  par  iceluy  le  mary  n'a  point  la  puissance  de  son  corps,  mais  la  femme:  aussi  la  femme  n'a  point  la  puissance  de  son  corps,  mais  le  mary  (1  Cor.  7,  1  ss.).  Parquoy  conioinctz  de  Dieu  ne  peuvent  estre  separez,  fors  que  par3)  aucun  temps,  du  consentement  de  l'un  et  de  l'autre,  pour  vaquer  a  ieusne  et  oraison,  gardant  bien  qu'ilz  ne  soyent  tentez4)  de  Satan  par  incontinence.  Et  pourtant,  doyvent  retourner  ensemble.  Car  pour  eviter  fornication,  un  chascun  doit  avoir  sa  femme,  et  une  chascune  femme  son  mary:  tellement  que  tous  ceulx  qui  ne  se  peuvent  contenir,  et5)  qui  n'ont  le  don  de  continence,  sont  obligez,  par  le  commandement  de  Dieu,  de  se  marier:  afin  que  le  sainct  Temple  de  Dieu,  c'est  a.  dire  noz  corps,  ne  soyent  violez  et  corrompuz.  Car  puis  que  noz  corps  sont  membres  de  Iesus  Christ,  ce  serait  un  trop  grand  oultrage  d'en  faire  membres  de  la  paillarde  (1  Cor.  6,  15).  Parquoy  on  les  doit  garder  en  toute  sainctete.  Car  si  aucun  viole  le  Temple  de  Dieu,  Dieu  le  destruira  (1  Cor.  3,17).  1)  1547  ss.:  donnant  a  entendre.  2)  honnorable,  manque  1558  suiv.  3)  1562.  1563:  pour.  4)  1562  suiv.:  d'estre  tentez.  5)  qui  ne  se  peuvent  contenir  et,  manque  1558  suiv.