52:204  visum  est,  qui  nunquam  verbum  de  Christo  audierunt:  quia  Paulus  non  disputat  in  genere,  quibus  de  causis  ab  initio  Deus  Satanam  cum  suis  mendaciis  grassari  siverit,  sed  quam  horribilis  vindicta  immineat  crassis  novae  et  prius  insolitae  gratiae  contemptoribus.  Recipere  dilectionem  veritatis  dixit,  pro  eo  quod  esfc  animum  adiicere  ad  eam  diligendam.  Unde  discimus,  fidem  semper  cum  suavi  et  spontanea  Dei  reverentia  esse  coniunctam:  quia  non  rite  creditur  verbo  Dei,  nisi  dum  amabile  et  iucundum  est.  11.  Operationem  imposturae.  Significat  non  modo  locum  fore  erroribus,  sed  excaecatum  iri  reprobos,  ita  ut  absque  iudicio  in  mortem  ruant.  Quemadmodum  enim  spiritu  suo  nos  intus  illuminat  Deus,  ut  essicax  sit  apud  nos  sua  doctrina:  oculosque  et  corda  nobis  aperit,  ut  illuc  penetret:  ita  iusto  iudicio  tradit  in  sensum  reprobum  quos  exitio  destinavit:  ut  clausis  oculis  et  stupida  mente,  quasi  fascinati,  Satanae  et  eius  ministris  se  fallendos  tradant.  Et  certe  illustre  eius  rei  spectaculum  in  papatu  habemus.  Nullis  verbis  exprimi  potest  quam  portentosa  illic  sit  errorum  colluvies,  quam  crassa  et  pudenda  sit  superstitionum  absurditas,  quam  aliena  a  sensu  communi  deliria.  Quicunque  mediocrem  habent  sanae  doctrinae  gustum,  de  portentis  illis  cogitare  nequeunt  sine  summo  horrore.  Qut  fit  ergo  ut  totus  mundus  in  illis  obstupescat,  nisi  quod  homines  caecitate  percussi  sunt  a  Domino,  et  quasi  in  truncos  conversi?  12.  Ut  iudicentur  omnes.  Hoc  est,  ut  poenam  luant  impietate  sua  dignam.  Ita  non  est  quod  expostulent  cum  Deo  qui  pereunt,  quia  adepti  sunt  quod  quaerebant.  Tenendum  est  enim  quod  Deuter,  cap.  13,  3  habetur,  examinari  corda  hominum,  quum  prodeunt  falsae  doctrinae:  quia  non  praevalent  nisi  apud  eos  qui  corde  sincero  Deum  non  diligunt.  Quibus  ergo  placet  iniustitia,  fructum  eius  colligant.  Quum  dicit  omnes,  significat  non  excusari  contemptum  Dei  immensa  eorum  turba  et  multitudine,  qui  obedire  evangelio  renuunt.  Totius  enim  mundi  iudex  est  Deus,  ut  non  minus  de  centum  millibus,  quam  de  uno  homine  poenas  sumat.  Participium  eoSox^aavxsc  ultroneam  (ut  ita  loquar)  propensionem  ad  malum  sonat:  ita  enim  ingratis  praeciditur  omnis  excusatio,  dum  tantam  ex  iniustitia  voluptatem  capiunt,  ut  illam  praeferant  Dei  iustitiae.  Nam  qua  vi  impulsos  se  fuisse  dicent,  ut  se  vesana  defectione  alienarent  a  Deo,  ad  quem  naturae  ductu  agebantur  ?  certe  volentes  et  scientes  mendaciis  aurem  praebere  constat  13.  Nos  autem  debemus  gratias  agere  Deo  semper  de  vobis,  fratres  dilecti  a  Domino,  quia  elegit  vos  Deus  ab  initio  in  salutem,  in  sanctificatione  spiritus  et  fide  veritatis:  14.  quo  vocavit  vos  per  evangelium  nostrum  in  possessionem  gloriae  Domini  nostri  Iesu  Christi.